[Date Prev][Date Next][Thread Prev][Thread Next][Date Index][Thread Index]

Re: [bpfk] broda be ba brode



je'u la'e zoi .urli. http://lojban.github.io/ilmentufa/camxes2.html .urli lu'u noi korbipe lo curve .peg. zei gerna jo'u ko zo'o zo'u za'a dai «lu broda be ba brode li'u» co'u gendra .i ki'u bo pu za lo djedi be li so'u la solpa'i cu .e'onde mi lo ka vimcu lo bi'u nai barda fegli gerna (to noi zo ko'a sinxa do'e lo mi prula'i samxa'a toi) la .camxes.peg. i sa'e cipra be lo nu no da spofu ku nu vimcu .i va'o lo nu ge BPFK djica lo nu «lu broda be ba brode li'u» na co'u gendra gi no drata je xagmau ke gerna tadji be lo nu ri gendra cu jai se facki zo'u ma'a ka'e li'a gasnu lo nu lo bi'u nai gerna di'a pagbu la .camxes.peg. i ku'i mi na kanpe lo nu xruti


ca lo cabdei la .ilmen. di'e ciska
mi no'e zanru lo nu «lo'u broda be ba brode le'u» co'u gendra .i va'i mi ge nai fapro gi nai sarji

ni'o zu'u mi pu'i pilno lo simsa be «lo'u broda be ba brode le'u» gi'e da'i zmanei lo nu na co'u gendra
.i je zu'u nai mi sanji lo nu lo nu gau BPFK co'a ca'irselzau fa lo nu «lu lo nu broda ba brode li'u» smudu'i «lu lo nu broda cu ba brode li'u» cu selja'e lo nu lo noi barda gi'e fegli ku'o nu gerna cnegau poi mi gasnu te zu'e lo nu la .camxes. zo'u ge «lu lo nu broda ba brode li'u» dunli «lu lo nu broda ba cu brode li'u» (to ki'u lo nu pu simlu lo ka jbirai lo ca'irselzau toi) gi «lu ba broda gi'e brode li'u» dunli «lu broda ba ku gi'e brode li'u» cu poi'i ke'a goi ko'a zo'u ko'a mutce co jdika lo ni plixau ku gi'e poi'i lo se sanji be mi cu kanzeri lo nu ko'a ca ti sarji «lu broda be ba brode li'u» jo'u «lu ko'a pe ba brode li'u» vu'o po'o sai .i va'i ru'e ca ti lo barda pagbu be lo gerna pe la .camxes.peg. cu plixau ke po'o lo re bi'u nai morna noi rirci raunzu fi lo nu na .inda tu'a lo tai gerna barda

(to .u'u lo mi jufra cu pluja mutce toi)

ni'o da'i zabna danfu fa lo nu facki su'o gerna tadji be lo ka gau ku «lu broda be ba broda li'u» mu'a gendra za'o lo nu ba'o vimcu ko'a (to no'u ba'a nai pei lo barda fegli gerna poi pu sarji lo bi'u nai morna toi) fi la .camxes.peg.

.i mi pu ze'a troci lo ka facki tu'a su'o tai tadji be lo ka se pi'o lo gerna cmalu cu gendra stodi .i je fliba ku'i

ni'o za'a mu'a lo nu gau basti zoi .peg.

selbri_3 <- selbri_4+

.peg. fa zoi .peg.

selbri_3 <- selbri_4 (!tag selbri_4)*

.peg. cu rinka no nu di'a gendra fa «lu broda be ba brode»

.i mi mulno .oi ro'e lo ka na jimpe lo du'u ki'u ma kau zo brode snada lo ka lebna zo ba lo lidne

mi'e la .ilmen. mu'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.