[bpfk] Re: ga broda ba gi brode

Le vendredi 25 mars 2016 11:20:07 UTC, Ilmen a écrit :

ni'o lo'u ga broda ba gi brode le'u na gendra fi ro gerna lanli tutci poi slabu mi
.i krinu fa lo nu ca lo nu ganse tu'a lo'u ba gi le'u zo'u lo laltci co'a kanpe tu'a lo gi zei terjoma noi lu ba gi broda gi brode li'u mupli lu'u gi'e ba bo co'a sanji lo nu lo re moi me zo gi na zvati .i jalge fa lo nu lanli fliba

ni'o ca lo prulamdei mi facki tu'a su'o tadji be lo ka gau co'a gendra .i sa'e tadji fa lo ka lo gerna pe la .camxes. zo'u basygau fi lo javni po'u la .gek. tai la'e di'e

gek <- SE_clause? GA_clause NAI_clause? free* / joik GI_clause free* / stag gik

se basti

gek <- SE_clause? GA_clause NAI_clause? free* / joik GI_clause free* / stag &gigik gik
gigik <- gik subsentence gik subsentence tail_terms / gik terms_gik_terms

(to la'a lo nu mulno sarxe lo drata pagbu be lo gerna cu se sarcu lo nu jmina su'o drata la .gigik. i je ku'i lo ti se casnu nabmi mupli zo'u banzu lo nu curmi lo nu gendra toi)

ni'o ku'i lo bi'u nai gerna nu cnegau cu da'i selja'e lo nu su'o famyma'o be lo za'e prupei terjoma noi zo ga mupli cu se nitcu va'o su'o da .e mu'a la'e di'e (to .e'u se xanri lo nu zo vu'o famyma'o lo prupei terjoma toi)

• lo'u [ga [ga broda ba gi brode vu'o] gi brodo] le'u

i je'e i va'i zo vu'o pe di'u cu basti lo'u vau vau le'u i no'e mabla va'o lo ca ca'irselzau ke jonma'o ciste joi lo gigik zei ciste soi ku'i mi na zanru lo nu la tag cu za'u va'e lo ka sumsmi je cu me'i va'e lo ka gi zei stura

.i da'i lo famyma'o cu jai sarcu ki'u lo nu lo nu vimcu cu rinka lo nu lo re moi me zo gi di'a pagbu lo sumtcita ce'o me zo gi terjoma stura .i lo bi'u nai jufra mupli zo'u lo nu vimcu zo vu'o cu rinka lo nu co'u gendra kei ki'u lo nu lo pa moi be lo me zo ga cu co'u ponse pe'a su'o me zo gi

ni'o mi senpi lo nu lo tai gerna cu .inda lo ka jai se djica .i lo nu lo famyma'o cu sarcu lo nu na gerna toldra cu krinu pagbu .i ji'a go'i fa lo nu ba lo nu lo tcidu cu viska lo'u ba gi le'u ja'e lo nu co'a kanpe lo nu sumtcita ce'o me zo gi terjoma pagbu cu viska zo vu'o noi jai natfe lo pu se kanpe

ni'o zukmu'i mi lo ka ciska lo dei samxa'a kei fa lo nu mi jinvi lo du'u lo mi gerna cipra ku bi'u nai ka'e cinri su'o do'o kei ja'e lo nu mi djica lo nu jungau

.i do ma jinvi

mi'e la .ilmen. mu'o

i la'a va'o lo ca'irselzau ke jonma'o ciste noi va'o ke'a lo'u JOI GI le'u jo'u lo'u TAG GI le'u na'e ka'e kuspe lo selbrisle ku'o lo gigik zei ciste joi lo zo vu'o zei ciste cu no'e raktu

i sa'unai lu

([ba gi] [broda VAU] gi [brode VAU] VAU)

li'u

cu nu jorne simxu fa lo brirebla enai lo selbrisle

i ku'i ma'i mi lo di'u jonma'o ciste cu fegli ija'ebo la zantufa cu genturfa'i tai di'e mu'a

i lu

([CU {<ba gi> broda <gi brode> GIhI} VAU] IAU)

li'u .e lu

([{ba gi} {cu <broda VAU>} {gi <CU (¹brode VAU¹)>} GIhI] IAU)

li'u .e lu

([CU {ba <ke (¹[ba gi] broda [gi brode] GIhI¹) KEhE>} VAU] IAU)

li'u .e lu

([CU {ba gi bo} {<ba broda> VAU} {gi <brode VAU>} GIhI VAU] IAU)

li'u mu'a nai

i lo gigik zei ciste cu na'e sarxe la zantufa mu'u lu

([CU {<ba gi> <broda (¹ba gi¹) brode (¹gi brodi¹) gi'i> <gi brodo> GIhI} VAU] IAU)

li'u ne la zantufa

ni'o ku'i segu da'i ro na'e bo mi cu zanru lo nu lo'u TAG GI le'u ze'e na'e kuspe lo selbrisle gi lo gigik zei ciste cu no'e sarxe lo nu curmi tu'a ge lu lo nu broda ba brode li'u ginai lo'u broda be ba brode le'u ginai lo'u lo pe ba broda le'u

to zoizoi

https://groups.google.com/d/topic/bpfk-list/A8qyiW7Uod8/discussion

https://groups.google.com/d/topic/bpfk-list/kXZ5aBNPI_A/discussion

zoi toi

i lo se go'i cu se jicmu lo si'o la tag cu li'erla'i zo ku jo cu sumsmi soi po'o zo ku ka'e se claxu bu'u lo fanmo be lo pa steitmente a lo prenexe

i ma'i lo se go'i lo gigik zei ciste cu na'e se nitcu

ije mi zmanei lo si'o la tag cu li'erla'i zo ku jo cu sumsmi kei lo gigik zei ciste

mi'e la guskant jo'au zantufa xi papipapa mu'o