[Date Prev][Date Next][Thread Prev][Thread Next][Date Index][Thread Index]

Re: [bpfk] broda be ba brode



mi no'e zanru lo nu «lo'u broda be ba brode le'u» co'u gendra .i va'i mi ge nai fapro gi nai sarji

ni'o zu'u mi pu'i pilno lo simsa be «lo'u broda be ba brode le'u» gi'e da'i zmanei lo nu na co'u gendra
.i je zu'u nai mi sanji lo nu lo nu gau BPFK co'a ca'irselzau fa lo nu «lu lo nu broda ba brode li'u» smudu'i «lu lo nu broda cu ba brode li'u» cu selja'e lo nu lo noi barda gi'e fegli ku'o nu gerna cnegau poi mi gasnu te zu'e lo nu la .camxes. zo'u ge «lu lo nu broda ba brode li'u» dunli «lu lo nu broda ba cu brode li'u» (to ki'u lo nu pu simlu lo ka jbirai lo ca'irselzau toi) gi «lu ba broda gi'e brode li'u» dunli «lu broda ba ku gi'e brode li'u» cu poi'i ke'a goi ko'a zo'u ko'a mutce co jdika lo ni plixau ku gi'e poi'i lo se sanji be mi cu kanzeri lo nu ko'a ca ti sarji «lu broda be ba brode li'u» jo'u «lu ko'a pe ba brode li'u» vu'o po'o sai .i va'i ru'e ca ti lo barda pagbu be lo gerna pe la .camxes.peg. cu plixau ke po'o lo re bi'u nai morna noi rirci raunzu fi lo nu na .inda tu'a lo tai gerna barda

(to .u'u lo mi jufra cu pluja mutce toi)

ni'o da'i zabna danfu fa lo nu facki su'o gerna tadji be lo ka gau ku «lu broda be ba broda li'u» mu'a gendra za'o lo nu ba'o vimcu ko'a (to no'u ba'a nai pei lo barda fegli gerna poi pu sarji lo bi'u nai morna toi) fi la .camxes.peg.

.i mi pu ze'a troci lo ka facki tu'a su'o tai tadji be lo ka se pi'o lo gerna cmalu cu gendra stodi .i je fliba ku'i

ni'o za'a mu'a lo nu gau basti zoi .peg.

selbri_3 <- selbri_4+

.peg. fa zoi .peg.

selbri_3 <- selbri_4 (!tag selbri_4)*

.peg. cu rinka no nu di'a gendra fa «lu broda be ba brode»

.i mi mulno .oi ro'e lo ka na jimpe lo du'u ki'u ma kau zo brode snada lo ka lebna zo ba lo lidne

mi'e la .ilmen. mu'o

————————

pu za lo djedi be li ci la xalbo di'e cusku
.i mi to'e zanru .i lo ka sampu vau lo ka xamgu na mintu .i ko na pofri'a lu lo broda be ba brode li'u te zu'e lo ka cikre lo drata

On Tue, Mar 22, 2016 at 10:14 AM, selpahi <seladwa@gmx.de> wrote:
On 22.03.2016 03:40, Pierre Abbat wrote:
On Tuesday, February 23, 2016 19:07:10 Ilmen wrote:
coi ro do

.i za'a BPFK kaijbi lo ka mulno lo ka zanru lo nu lu lo nu broda ba
brode li'u smudu'i lu lo nu broda cu ba brode li'u
.i srana gi'e ka'e se casnu vau fa lo'u broda be ba brode le'u .i pe'i
pei xamgu fa lo nu ca'irselzau gendra .i ti'e ge su'o jbopre cu zanru gi
su'o drata cu tolzau .i .e'u BPFK co'a casnu

.i ci'e lo ca gerna lu broda be ba brode li'u genturdu'i lu broda be baku
brode li'u .i ri simsa lu lo gerku pe naku li'u lo ka gendra gi'eku'i smucau
.i pe'i ba lasna zo ba zo brode .ija'ebo lo'u broda be ba brode le'u na gendra

xu do zanru tu'a zoi gerna.

term_1 <- sumti / ( !gek (tag !selbri / FA_clause free*) (sumti / KU_elidible free*) ) / nonabs_termset / NA_clause KU_clause free*

.gerna .i do simlu lo ka go'i

.i ca ku la xalbo cu to'e zanru .i la gleki zo'u mi na djuno lo du'u ri mo kau .i la .xorxes. nu'o jungau ma'a lo du'u ri jinvi ma kau .i la me zo'e cu simlu lo ka no'e birti .i la durka pu cenba lo ka jinvi ma kau kei ja'e lo nu ca zanru .i ro drata cu simlu lo ka zanru

.i .e'o lo nu'o piksku cu pu'i piksku

~~~mi'e la selpa'i


--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.