[Date Prev][Date Next][Thread Prev][Thread Next][Date Index][Thread Index]
reading comprehension
ni'o la .nilos. se zvati so'e timsaxu .i lo misro cu jinvi lo du'u lo timsaxu
cu censa gi'e nai catra ty .i la'e di'e zu'o lo timsaxu cu banro .i ca'o lo
dunra masti naku citka .i se jbena lo sovda fo lo tumla .i karbi'o .i ca'o
piso'a lo donri cu stali lo tumla .iku'i ca'o piro lo nicte cu zvati lo rirxe
ki'u lonu lo rirxe cu glamau lo vacri .e lo lusyjau
ni'o lo timsaxu cu simsa lo xarju lo ka se kanla .i lo denci cu barda tu'a lo
xadni .i frica lo mabru lo ka se tance .ijenai muvgau lo ni'a xedja .i se
jgalu lo tsali gi'e se skapi lo rotsu .i kinli viska fi lo vacri .enai lo
djacu
ni'o lo drata cipni .e lo mabru cu bajli'a lo timsaxu .iku'i lo troxilo cu
panpi ra .i ca lo nu zvati lo rirxe kei lo moklu cu culno lo bluckocurnu .i
klama lo tumla lo djacu .ibazibo kargau lo moklu .i lo troxilo cu nerkla gi'e
tulcti lo bluckocurnu .i lo timsaxu na xrani ra
ni'o so'i da vrici tadji lonu kavbu lo timsaxu .i mi ci'aski pa tadji fo
di'e .i lo kalte cu zbasu lo xlura lo xarju trixe jo'u lo genxu .i ky. renro
lo xlura lo midju be lo rirxe gi'e sanli lo korbi be lo rirxe .i ky. tolcau
lo jmive xarju gi'e darxi ri .i lo timsaxu cu tirna lo se krixa gi'e bajykla
lo xarju .iku'i lo timsaxu lo trixe cu penmi gi'e tulcti .i lo kalte cu
cpumuvgau lo timsaxu lo tumla gi'e gairgau lo cimde'u lo kanla gi'e frili
catra
.i lo timsaxu cu mo
a. mabru
b. cipni
c. respa
d. banfi
e. curnu
.i lo timsaxu
a. cu se kanla lo simsa be lo troxilo
b. cu se denci lo simsa be lo remna
c. na ka'e tolse'a lo tance tai tu'a lo mabru
d. cu se jgalu lo ruble
e. cu kinli viska lo djacu
.i lo troxilo cu mo
a. mabru
b. cipni
c. respa
d. banfi
e. curnu
.i lo kalte cu pilno
a. lo xarju .e lo genxu
b. lo tulcti .e lo bajykla
c. lo cimde'u .e lo midju
d. lo tolcau .e lo rirxe
e. lo trixe .e lo bluckocurnu
--
sei do'anai mi'a djuno puze'e noroi nalselganse srera