[Date Prev][Date Next][Thread Prev][Thread Next][Date Index][Thread Index]

[lojban-beginners] pemci fi ko! (poem weekly) #1



coi ro do · Hi everyone!

.i ti pa moi la'au pemci fi ko! li'u · This is the first of "Pemci Fi Ko!".  
.i jefydikni karni lo pemci pe ba'e do · It's a weekly magazine of _your_ poems.  
.i .e'e tcidu lo se benji noi xa ui sai mei · Let's read the six! submissions.  


fi'e la .karostselus.  
===  
ca lo campelxu glare  
ke crisa donri ke'e  
ku mi barli'a zo'e  
.i klama fe lo klaji  
noi carvi fa lo solri  
.i so'u roi cu stapa  
.i co'i suksa brife  
seri'a lo nu gacri  
fa lo .ii kandi ctino  
lo canlu noi se zvati  
.i lo se spaji kanla  
cu carna fo lo tsani  
noi masno fulta ke'a  
fa lo pa labyfanblo


fi'e la .tcarlz.  
===  
lo pezli pe lo cindu zo'u mi  
py. catlu ca lo critu murse .i  
lu ni'a farlu po'o li'u mi  
se cusku ki'u lo nu zgana ti

.i ku'i pu lo nu py. pecde'u  
ku lo sicbrife mo'i zo'i cu  
sutklama lo mi tricu marbi tu  
.i gasnu lo nu fulta ga'u zu


fi'e la .piièr .abat.  
===  
lo fatne fulta  
ke cakcau calkycurnu  
cu citka crepu  
lo xrani xarci  
lo falnu danlu ja'e  
lo nu sezbandu  


fi'e la .suzil.  
===  
poi'a cafne fe'u la'e tu'e  
tai lo senva ku munje lifri  
i va'i tai lo senva ku fulta tu'u  
i nonkansa je cu claxu lo ka birti  
i tu'a lo du'u lo nu bilma ju'o cu'i ku se terpa  
i lo nonkansa tsani ku melbi jai bu'u barda cinmo  
i lo nonkansa tsani ku melbi jai bu'u barda lifri se cau tu'a lo bartu munje


fi'e la selckiku  
===  
ni'o xamsi .i xamsi .i xamsi .i xamsi .i xamsi  
ni'o xamsi .i xamsi .i xamsi .i xamsi .i xamsi  
ni'o xamsi .i xamsi .i xamsi .i xamsi .i xamsi  
ni'o xamsi .i xamsi .i xamsi .i xamsi .i bloti  
ni'o xamsi .i xamsi .i xamsi .i xamsi .i xamsi


fi'e la solpa'i  
===  
lo menli be do cu condi xamsi  
.i mi catlu lo kanla be do  
.i ji'oi se bavla'i mi fulta lo djacu  
.i vilti'a .i zdadi'u calbra jacybo'a

.i mi mudri tanbo poi'a nenri be lo xamsi  
.i mi canre selci poi'a nenri be lo brife  
.i mi farcri poi'a nenri be lo kalsa

.i lo kanla be do  
.i pa vilti'a cu nenri lo kanla be do

.i fau lo nu lo ctebi pe mi'o cu penmysi'u kei  
lo condi xamsi jo'u mi co'a pa mei


.i .a'o lo pemci cu zabna fi do · I hope you like the poems!

ni'o va'o lo nu djica lo ka pagzu'e zo'u · If you want to participate,  
zifre sai · you surely are free to!  
.i lo pemci zo'u na nitcu lo ka finti lo clani · You don't need to write poems that are long,  
ja lo rimni saxsi'u ja rilti se stura · or rhyme or have any rhythm.  
.i ko finti lo srana be lo jai se minde · But please write on topic.

.i lo nintadni ku ji'a zifre · Beginners too are welcome!  
.i fau gi nitcu lo nundragau gi cusku · Please tell me if you need my corrections.

.i lo ve finti be fo ko zo'u · Your topic shall be...  
    zo «sucta» · abstraction.  
.i ko mrilu lo se finti lo mi judri no'u · Please send your submissions to my mail:  
    zoi .zoi. ciuak.prog@gmail.com .zoi.  
.i .e'o darca ba'o lo se detri be la'e · Please deliver it before:  
    zoi .zoi. 21-11-2016 .zoi.

.i .a'o lo nu finti cu pluka do ! · I hope you'll have fun writing!
~ mi'e la uakci

--
You received this message because you are subscribed to the Google Groups "Lojban Beginners" group.
To unsubscribe from this group and stop receiving emails from it, send an email to lojban-beginners+unsubscribe@googlegroups.com.
To post to this group, send email to lojban-beginners@googlegroups.com.
Visit this group at https://groups.google.com/group/lojban-beginners.
For more options, visit https://groups.google.com/d/optout.