[lojban-es] Re: La Biblioteca de Babel (Borges) - 2

["Jorge Llambías" <jjllambias@gmail.com>]

ni'o tai tu'a ro remna pe la ckuzda mi pu litru ca lo nu mi citno .i
mi litru sisku lo cukta no'u ju'o cu'i lo liste be lo liste .i mi nau
lo nu lo kanla cu na ru'e kakne lo nu tolmifygau lo se ciska be mi cu
bregau mi lo nu mrobi'o va lo minli be li so'u ne'a lo xavyselmla poi
mi jbena bu'u ke'a .i ca lo nu morsi cu na ba claxu lo kecti xance poi
renro mi ga'u lo garna .i lo mrostu be mi cu ba lolcau vacri .i lo
xadni be mi cu ba ze'u jirbi'o gi'e fusra gi'e runta lo brife poi se
rorci lo nu farlu noi cimni .i mi xusra lo du'u la ckuzda cu na se
fanmo .i lo tersi'o cu darlu lo du'u o xavyselmla kumfa cu sarcu tarmi
lo traji canlu .a do'a nai lo se jijnu be ma'a bei lo canlu .i ra
darlu lo du'u lo cibyselmla ja mumselmla kumfa cu na ka'e se pensi to
lo ru'icre cu xusra lo du'u lo ruxtcini cu jarco lo cukla kumfa noi
vasru lo barda ke cukla cukta poi lo trixe cu ranji pi ro lo bitmu .i
ku'i lo se xusra be ra cu se senpi .i lo ra valsi cu manku .i lo cukla
cukta cu cevni toi .i ku'i .e'i mi nau rapli xusra lo klusau se jinvi
.i la ckuzda cu bolci noi se midju ro xavyselmla zi'e noi lo cukykoi
be ke'a cu na ka'e se kuspe

Como todos los hombres de la Biblioteca, he viajado en mi juventud; he
peregrinado en busca de un libro, acaso del catálogo de catálogos;
ahora que mis ojos casi no pueden descifrar lo que escribo, me preparo
a morir a unas pocas leguas del hexágono en que nací. Muerto, no
faltarán manos piadosas que me tiren por la baranda; mi sepultura será
el aire insondable; mi cuerpo se hundirá largamente y se corromperá y
disolverá en el viento engendrado por la caída, que es infinita. Yo
afirmo que la Biblioteca es interminable. Los idealistas arguyen que
las salas hexagonales son una forma necesaria del espacio absoluto o,
por lo menos, de nuestra intuición del espacio. Razonan que es
inconcebible una sala triangular o pentagonal. (Los místicos pretenden
que el éxtasis les revela una cámara circular con un gran libro
circular de lomo continuo, que da toda la vuelta de las paredes; pero
su testimonio es sospechoso; sus palabras, oscuras. Ese libro cíclico
es Dios.) Básteme, por ahora, repetir el dictamen clásico: La
Biblioteca es una esfera cuyo centro cabal es cualquier hexágono, cuya
circunferencia es inaccesible.


mu'o mi'e xorxes