From jjllambias@hotmail.com Mon Sep 23 17:55:39 2002 Return-Path: X-Sender: jjllambias@hotmail.com X-Apparently-To: lojban@yahoogroups.com Received: (EGP: mail-8_1_1_3); 24 Sep 2002 00:55:38 -0000 Received: (qmail 28318 invoked from network); 24 Sep 2002 00:55:38 -0000 Received: from unknown (66.218.66.217) by m9.grp.scd.yahoo.com with QMQP; 24 Sep 2002 00:55:38 -0000 Received: from unknown (HELO hotmail.com) (216.33.241.25) by mta2.grp.scd.yahoo.com with SMTP; 24 Sep 2002 00:55:39 -0000 Received: from mail pickup service by hotmail.com with Microsoft SMTPSVC; Mon, 23 Sep 2002 17:55:39 -0700 Received: from 200.69.6.18 by lw8fd.law8.hotmail.msn.com with HTTP; Tue, 24 Sep 2002 00:55:38 GMT To: lojban@yahoogroups.com Bcc: Subject: Le Petit Prince - XI Date: Tue, 24 Sep 2002 00:55:38 +0000 Mime-Version: 1.0 Content-Type: text/plain; format=flowed Message-ID: X-OriginalArrivalTime: 24 Sep 2002 00:55:39.0117 (UTC) FILETIME=[198AD1D0:01C26365] From: "Jorge Llambias" X-Originating-IP: [200.69.6.18] X-Yahoo-Group-Post: member; u=6071566 X-Yahoo-Profile: jjllambias2000 ni'o le remoi plini cu se xabju lo sezyjgidu'e -- i a'e lo sinma be mi mi vitke --sei le sezyjgidu'e ca le nu co'a viska le cmalu noltrube'a cu vu krixa cusku ni'oki'ubo ga'a lo'e sezyjgidu'e ro drata remna cu sinma sy -- i coi do'u --sei le cmalu noltrube'a cu cusku-- i do dasni lo cizra mapku -- i ti tutci lo'e nu mi rinsa --sei le sezyjgidu'e cu spusku-- i ti tutci lo'e nu mi rinsa ca le nu mi se ki'azau i ku'i uinai noroiku da vi litru -- i a'a sei le cmalu noltrube'a noi na jimpe cu cusku -- i ko jalsimgau lei do xance --sei le sezyjgidu'e cu stidi ni'o le cmalu noltrube'a cu jalsimgau lei xance i le sezyjgidu'e cu cunlo rinsa fau le nu lafti le mapku ni'o lu ta zdimau le nu vitke le nolraitru li'u se sezysku le cmalu noltrube'a i ny di'a ca'o jalsimgau lei xance i le sezyjgidu'e di'a rinsa fau le nu lafti le mapku ni'o baza lo mentu be li mu be'o noi nu zajba cu tatpi fa le cmalu noltrube'a le stodi nu kelci -- i pau le nu le mapku cu farlu --sei ny preti cusku-- cu se sarcu ma ni'o ku'i le sezyjgidu'e na tirna i lo'e sezyjgidu'e noroi tirna na'ebo lo'e si'avla -- i xu do mi ja'asai mutce sinma --sei sy fi le cmalu noltrube'a cu preti cusku -- i ma smuni le du'u sinma -- i le du'u sinma cu se smuni le du'u zgana le nu mi traji le ka melbi e le ka taxfu mapti e le ka ricfu mutce e le ka tolbebna fo le se terdi -- i ku'i ue do nonkansa le nu se terdi -- i e'osai ko mi sinma va'o makau -- i mi do sinma --sei le cmalu noltrube'a fau le nu milxe lafti lei janco cu cusku-- i ku'i ma prali do la'e di'u ni'o le cmalu noltrube'a cu cliva ni'o lu lo'e makcu prenu ja'a cizra mutce li'u se cusku le cmalu noltrube'a ri ze'a le nu litru _________________________________________________________________ Chat with friends online, try MSN Messenger: http://messenger.msn.com