Sender: lojban@googlegroups.com
Received-SPF: pass (google.com: domain of seladwa@gmx.de designates 212.227.15.18 as permitted sender) client-ip=212.227.15.18;
Subject: =?UTF-8?Q?Re=3A_=5Blojban=5D_lo_tcidu_bende_pe_la_nicte_cadzu_=E2=80=94_50?=
	=?UTF-8?Q?moi_lo_spisa?=
To: lojban@googlegroups.com
References: <b78af278-19a3-5aab-cd2f-9b3cc8800ab0@gmx.de>
From: selpahi <seladwa@gmx.de>
Message-ID: <5df56821-0f30-8e18-614d-4fef2a3ec86b@gmx.de>
Date: Sun, 3 Jul 2016 10:10:04 +0200
User-Agent: Mozilla/5.0 (Windows NT 6.1; WOW64; rv:45.0) Gecko/20100101
 Thunderbird/45.1.1
MIME-Version: 1.0
In-Reply-To: <b78af278-19a3-5aab-cd2f-9b3cc8800ab0@gmx.de>
Content-Type: text/plain; charset=UTF-8; format=flowed
Reply-To: lojban@googlegroups.com
Precedence: list
Mailing-list: list lojban@googlegroups.com; contact lojban+owners@googlegroups.com
X-Spam_score: -1.7
X-Spam_score_int: -16
X-Spam_bar: -

ni'o le bende cu facki je pilno lo sarlu serti .i ba zi bo zvati pa 
vrogai be le kumfa poi traji lo ka gapru ne'i le zdani .i ro se bende cu 
jgari lo xumjimcelxa'i .i vy tikpa le vrogai se ri'a lo nu daspo .i ro 
le se bende cu se spaji lo se vasru be le kumfa

ni'o le kumfa cu vasru lo makfa grana .e lo makfa djine .e lo xumki .e 
lo makfa tutci jubme .e lo botpi be lo rigni litki .i ro le se bende cu 
tolspaji la'e ba'e di'u .i ku'i ji'a le kumfa cu vasru pa stizu .i pa 
nanmu noi ju'o du le jitro cu cpana le stizu .i le palku be le jitro cu 
sruri le jamfu be jy .i ji'a pa ninmu cu moklu sakci le pinji be jy .i 
le ninmu cu mutce sutra sakci gi'e cladu cinse cmoni .i ji'a sai le 
ninmu na sisti ba lo nu le vrogai cu se daspo .i ku'i ba zi bo le jitro 
cu catke le ninmu .i sy zgana lo du'u le ninmu cu ponse no denci gi'e 
peisku lu .ua nai ti na banzu lo nu cirko lo denci kei lo nu ti ca'a 
citno to'i cmalu denpa toi .i .ua sai le jitro cu minde fi lo nu vimcu 
lo denci mu'i lo nu cinse nelci .i mi ba catra le go'i li'u .i .ii sy 
zgana lo du'u le ninmu cu klaku gi'e simlu lo ka mutce djica lo nu di'a 
sakci .i sy peisku lu le jitro cu gasnu ma .o'o nai sai poi se xlali ti li'u

ni'o le jitro cu cusku lo glico panra be lu doi -mentally ill-? do kanpe 
lo nu ta'i ma jinga fi mi ne'i le ralju ke makfa stuzi po mi li'u .i 
ku'i la .stefen. ca lo nu go'i co'a cladu cmila .i ro da poi nenri le 
kumfa cu se cfipu je se spaji catlu cy .i ba zi bo le jitro cu makfa 
sligau le birka gi'e cusku bau lo cizra .i ca bo cy cusku lu doi .kim. 
ca gasnu li'u .i se ki'u bo ky pilno lo cradi tutci se ri'a lo vu spoja 
poi porpi le brabra makfa djine .i le flira be le jitro cu mutce kandi 
binxo .i ji'a cy minde sy la'e lu doi .susan. gau ko sutra porpi fa le 
bongu be ti poi dakli lo kalci lo skapi li'u .i se mu'i bo sy mutce 
gleki .i le jitro cu co'a za'u re'u gasnu lo makfa .i ku'i sy pu lo nu 
pa valsi cu se bacru cu popygau pa birka li vo .i sy pu no roi 
sezymuvgau fi'o se sutra lo simsa .i ba zi bo ro ralju bongu be le jitro 
cu porpi se mu'i lo nu sy mutce cisma .i cy cusku lu la'a ti na ba gasnu 
lo makfa .i sy tugni .i ga'a sy lo nu le jitro cu gasnu lo makfa cu se 
sarcu lo nu da'i ra sisti lo nu cladu cmoni fi lo ka cortu .i sy krici 
lo du'u la'e di'u na zi fasnu

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.