From marob!hombre!uunet!marob.masa.com!cowan Mon Dec 10 07:47:08 1990 Received: by magpie.MASA.COM (smail2.5) id AA17248; 10 Dec 90 07:47:07 EST (Mon) Received: by marob.uucp (/\=-/\ Smail3.1.18.1 #18.1) id ; Mon, 10 Dec 90 07:10 EST Received: by hombre.MASA.COM (smail2.5) id AA04360; 10 Dec 90 04:05:34 EST (Mon) Received: from cbmvax.UUCP by uunet.UU.NET (5.61/1.14) with UUCP id AA25264; Sat, 1 Dec 90 22:51:03 -0500 Received: by cbmvax.cbm.commodore.com (5.57/UUCP-Project/Commodore Jan 13 1990) id AA28717; Sat, 1 Dec 90 22:40:56 EST Received: by snark.thyrsus.com (/\=-/\ Smail3.1.18.1 #18.14) id ; Sat, 1 Dec 90 22:07 EST Received: by snark.thyrsus.com (/\=-/\ Smail3.1.18.1 #18.14) id ; Thu, 29 Nov 90 07:08 EST Received: by cbmvax.cbm.commodore.com (5.57/UUCP-Project/Commodore Jan 13 1990) id AA01581; Thu, 29 Nov 90 06:15:25 EST Received: from RUTGERS.EDU by uunet.uu.net (5.61/1.14) with SMTP id AA19134; Thu, 29 Nov 90 02:38:12 -0500 Received: from phri.UUCP by rutgers.edu (5.59/SMI4.0/RU1.4/3.08) with UUCP id AA26001; Wed, 28 Nov 90 22:14:22 EST Received: by phri.UUCP (smail2.5) id AA09755; 28 Nov 90 22:10:23 EST (Wed) Received: by marob.masa.com (/\=-/\ Smail3.1.17.5 #17.4) id ; Wed, 28 Nov 90 14:14 EST Message-Id: From: marob!uunet!marob.masa.com!cowan (John Cowan) Subject: A Children's Story To: lojban-list@snark.thyrsus.com Date: Wed, 28 Nov 90 14:14:03 EST X-Mailer: ELM [version 2.3 PL2] Status: RO la pexykerf. .e le ci cribe ni'oni'o ka'u le ci prenu cribe se zdani tu'i le tricu .i le je'a barda cribe po'u la pafrib. goi ko'a vau .i le no'e barda cribe po'u la mamrib. goi ko'e vau .i le to'e barda cribe po'u la ve'arib. goi ko'i vau ni'o ro le cribe cu ponse pa lo zu'o citka kabri .i le ko'a kabri cu je'a barda .i le ko'e kabri cu no'e barda .i le ko'i kabri cu to'e barda ni'o ji'a ro le cribe cu ponse pa lo zu'o zutse stizu .i le ko'a stizu cu je'a barda .i le ko'e stizu cu no'e barda .i le ko'i stizu cu to'e barda ni'o ji'a ro le cribe cu ponse pa lo zu'o sipna ckana .i le ko'a ckana cu je'a barda .i le ko'e ckana cu no'e barda .i le ko'i ckana cu to'e barda ni'o le cribe cu cikna gi'e tisna le kabri lei cilmo gurni mu'i le nu citka le pamoi sanmi .i ku'i lei gurni cu dukse le ka glare kei le pu'u citka kei seki'u le zu'o le cribe cu cadzu .i melbi djedi ni'o le verba po'u la pexykerf. goi ko'u cu catlu le nenri po le zdani .i lo no prenu cu nenri semu'i le nu ko'u nenri cadzu ni'o ko'u zgana le ci kabri .i ko'u xagji seri'a le nu djica le nu citka lei gurni .i pamai ko'u troci citka lei ko'a gurni .i ku'i ri dukse je'a glare .i remai ko'u troci citka lei ko'e gurni .i ku'i ri dukse to'e glare .i cimai ko'u troci citka lei ko'i gurni .i ri prane le ka glare seki'u le zu'o ko'u citka pi ro lei ko'i gurni ni'o ko'u zgana le ci stizu .i ko'u tatpi seri'a le nu jdice le nu zutse .i pamai ko'u troci zutse le ko'a stizu .i ku'i ri dukse je'a galtu .i remai ko'u troci zutse le ko'e stizu .i ku'i ri dukse no'e galtu .i cimai ko'u troci zutse le ko'i stizu .i ri prane le ka galtu seki'u le zu'o ko'u zutse le ko'i stizu seri'a le nu ri porpi ni'o ko'u zgana le ci ckana .i ko'u mu'erta'i seri'a le nu jdice le nu sipna .i pamai ko'u troci sipna le ko'a ckana .i ku'i ri dukse je'a jdari .i remai ko'u troci sipna le ko'e ckana .i ku'i ri dukse to'e jdari .i cimai ko'u troci sipna le ko'i ckana .i ri prane le ka jdani seki'u le nu ko'u sipna ni'o le cribe cu xruti gi'e djica lei gurni ni'o ko'a catlu le vo'a kabri gi'ebabo cusku sepi'o le ko'a je'a barda voksa lu da pu citka piso'u lei mi gurni li'u .i ko'e catlu le vo'a kabri gi'ebabo cusku sepi'o le ko'e no'e barda voksa lu de pu citka piso'u lei mi gurni li'u .i ko'i catlu le vo'a kabri gi'ebabo cusku sepi'o le ko'i to'e barda voksa lu di pu citka pi ba'e ro lei mi gurni li'u .i ko'a catlu le vo'a kabri gi'ebabo cusku sepi'o le ko'a je'a barda voksa lu daxire pu zutse le mi stizu li'u .i ko'e catlu le vo'a kabri gi'ebabo cusku sepi'o le ko'e to'e barda voksa lu dexire pu zutse le mi stizu li'u .i ko'i catlu le vo'a kabri gi'ebabo cusku sepi'o le ko'i to'e barda voksa lu dixire pu ba'e daspo zutse le mi stizu li'u .i ko'a catlu le vo'a kabri gi'ebabo cusku sepi'o le ko'a je'a barda voksa lu daxici pu sipna le mi ckana li'u .i ko'e catlu le vo'a kabri gi'ebabo cusku sepi'o le ko'e no'e barda voksa lu dexici pu sipna le mi ckana li'u .i ko'i catlu le vo'a kabri gi'ebabo cusku sepi'o le ko'i to'e barda voksa lu dixici pu je ba'e ca sipna le mi ckana li'u ni'o ri'a la'edi'u ko'u cikna .i le cribe cu catlu ko'u seki'u le nu ko'u bajra cliva .i le cribe noroi ku'a ba catlu ko'u fa'o