Return-Path: Message-Id: <9112140507.AA26551@relay1.UU.NET> Date: Sat Dec 14 00:25:28 1991 Reply-To: John Cowan Sender: Lojban list From: John Cowan Subject: A Hakka folk tale, Lojban-only version X-To: Lojban List To: John Cowan , Eric Raymond , Eric Tiedemann Status: RO X-From-Space-Date: Sat Dec 14 00:25:28 1991 X-From-Space-Address: cbmvax!uunet!CUVMA.BITNET!LOJBAN Story: "Brother Bored With A Chisel, Mother Worried In Vain" Source: Yuan Jiahua et al. >Hanyu fangyan gaiyao< [An Outline of the Chinese Dialects] Translation by: John Cowan This is the Lojban-only version. In another posting is a version with both Hakka and Standard Chinese versions, plus two English glosses. ni'o le bruna cu kenkakpa sepi'o lo famdakfu .ije le mamta cu pensi selraktu .i la .asun. jo'u la .aniis. bruna remei .i la .asun. jbena le purci mamta .ije la .aniis. jbena le cabna mamta .i le cabna mamta goi ko'a cu to'e lanxe tarti .i za'a ko'a le jbebersa be ko'a cu dirba .i ro bu'a zo'u la .aniis. cu djica le nu bu'a .inaja bu'a .i la .asun. te cinmo to'ebo la'edi'u .i la .asun. goi ko'e citka nalculno gi'e dasni nalglare .iji'a so'iroi darxi ko'e .i le cabna mamta ta'e plafinti le nu moinri'ara'u la .asun. .i paroiki ku le cabna mamta cu cuxna re so'etsi .i pa so'etsi cu nalseljukpa .ije pa so'etsi sobde cu seljukpa .i dunda le seljukpa la .asun. .ije dunda le nalseljukpa la .aniis. .i cusku lu re ko cu klama le barda tricu poi se betfu kevna .i ko pilno loi cilmo dertu lo tagji gacri be le so'etsi .i ko poi leke'a so'etsi cu pamoi derjbe cu pamoi zdaxru li'u .i ba le nu dzukla fo pimu le dargu kei la .aniis. zgana le nu le le bruna ku so'etsi cu farlu gi'ebabo barda .ibabo fo le bruna cu canja .i bazuku le la .asun. so'etsi cu pamoi derjbe .i ko'e morji le se cusku be le mamta .isemu'ibo ko'e zdaxru .i le mamta cu zgana le nu le jbebersa be ko'a na xruti .i na kurji le ka jmive .i sutra sutra bajra mu'i le nu facki le jei la .asun. lidne da .i lo cmana cevni cu makfa tisna le tricu kevna loi dertu .i le cabna mamta ba cusku fi la asun. fe lu ko cuxna lo famdakfu gi'e klama fa'ertisna le tricu kevna li'u .i ca le nu kenkakpa da poi pu na zasti cu zmadu zasti .i lo cipni goi ko'i cu vofli cliva gi'ecabo cusku zoi .xakkas go1 zy3 cok8 cok8 oi1 zy3 pak8 sok8 .xakkas. no'u lu le bruna cu kenkakpa sepi'o lo famdakfu .ije le mamta cu pensi selraktu li'u .i sfani ze'abaku .i ti'e ca'o ro crisa ko'i rolnicte sanli le tricu forca gi'e cusku zoi .xakkas. go1 zy3 cok8 cok8 oi1 zy3 pak8 sok8 .xakkas. .i cusku ca le pu'o nu le molko'a cu ciblu vikmi -- cowan@snark.thyrsus.com ...!uunet!cbmvax!snark!cowan e'osai ko sarji la lojban