From @uga.cc.uga.edu:LOJBAN@CUVMB.BITNET Wed Nov 4 12:45:22 1992 Received: from uga.cc.uga.edu by MINERVA.CIS.YALE.EDU via SMTP; Wed, 4 Nov 1992 08:35:45 -0500 Received: from UGA.CC.UGA.EDU by uga.cc.uga.edu (IBM VM SMTP V2R2) with BSMTP id 2895; Wed, 04 Nov 92 08:32:39 EST Received: by UGA (Mailer R2.08 PTF008) id 7813; Wed, 04 Nov 92 08:32:38 EST Date: Wed, 4 Nov 1992 12:45:22 GMT Reply-To: I.Alexander.bra0122@oasis.icl.co.uk Sender: Lojban list From: I.Alexander.bra0122@OASIS.ICL.CO.UK Subject: CAFE.INT.REV lo ke'unai lisri pe la jbolanzu kafybarja X-To: lojban@cuvmb.cc.columbia.edu To: Erik Rauch Status: RO X-Status: Message-ID: .i bazi lenu mi'a simxu lenu rinsa kuku lo nanmu poi nanca li so'a cu klama pu'e le na'e sirji ne'i le barja gi'e co'a zutse ca'u mi .i le nanmu goi ko'a cusku le se du'u ri puzi se gunta lo puzu respa pe la'o ly. Saurischia ly. .i lu<< .iku'i loi respa pe la'edi'u cu puzu ji'esti >>li'u se cusku mi .i lu<< .ila'aru'e go'i .iboku'i simlu fa lenu noda ve cilre la'edi'u fo ra cu'usa'a ko'a .i lenu mi'a simxu lenu kansa cu nanca li reno .i mi co'aki kurji ko'e goi le respa ca lenu ri ca'o citno .i mi jinvi ledu'u le mamta be ko'e cu morsi ba'o lo nanca beli so'o .ije cumki fa lenu ko'e romoi lu'i le jutsi .i le pendo be mi zu'apu kurji ko'e gi'eku'i puzi co'a speni gi'e gasnu lenu cfari fa lenu lanzu kuku gi'e jinvi ledu'u vo'a na kakne lenu tu'ari xamgu ge ko'e gicabo le lanzu .isemu'ibo lego'i cpedu lenu mi curmi lenu basti filenu bilga lenu kurji ko'e .i mi je'a curmi .ijeja'ebo kiku nu'i bi'ogi cala'edi'u gi caku dunda loi cidja .e loi djacu ko'e .ijebo satre ko'e .ijebo fi lenu cadzu cu kansa fe ko'e .i ca lo'e vanci mi tavla ko'e so'i klesi be lei te cilre be'o nemu'u le citri be loi jmive beva'o le terdi be'obe'o .e loi jicmu bele saske bele munje poi vanbi ma'a .i jetnu fa lenu ko'e na kakne lenu tavla .ijeku'iseki'unaibo mi su'oroi jinvi lenu ko'e jimpe la'e le se cusku be mi >>li'u .i lu<< .iku'i mu'ima va'o la'e so'odi'u ko'e co'a bradi do >>li'u .i lu<< na birti .i nodaru'a jimpe le stura bele menli belei puzu respa .i seki'unai la'ede'u mi pupuziki gasnu lenu xendo ko'e .i mi'a puzi klama zo'a lo bende belo xanto .ijeseki'ubo mi mu'i lenu djica lenu fanta lenu damba noi cumki fa lenu ke'a se jalge lenu ko'e se xrani cu cusku lu<< ko se kajde fi tu'a le mabru >>li'u >>li'u mi'e .i,n.