From @YaleVM.YCC.YALE.EDU:LOJBAN@CUVMB.BITNET Tue Sep 7 08:43:34 1993 Received: from ELI.CS.YALE.EDU by NEBULA.SYSTEMSZ.CS.YALE.EDU via SMTP; Tue, 7 Sep 1993 12:45:35 -0400 Received: from YALEVM.YCC.YALE.EDU by eli.CS.YALE.EDU via SMTP; Tue, 7 Sep 1993 12:45:29 -0400 Message-Id: <199309071645.AA00516@eli.CS.YALE.EDU> Received: from CUVMB.CC.COLUMBIA.EDU by YaleVM.YCC.Yale.Edu (IBM VM SMTP V2R2) with BSMTP id 1877; Tue, 07 Sep 93 12:43:53 EDT Received: from CUVMB.COLUMBIA.EDU by CUVMB.CC.COLUMBIA.EDU (Mailer R2.07) with BSMTP id 3922; Tue, 07 Sep 93 12:46:45 EDT Date: Tue, 7 Sep 1993 12:43:34 EDT Reply-To: Jorge LLambias Sender: Lojban list From: Jorge LLambias Subject: TEXT: The Terrifying Adventure of the Windmills.2 X-To: lojban@cuvmb.cc.columbia.edu To: Erik Rauch Status: RO X-Status: I've made a few corrections: brabragrida -> brabracrida simla -> simsa brika -> birka porpi gasnu -> po'irgau farlu gasnu -> falgau removed an incorrect "fo" some changes involving numbers (two of which did not parse before) In a couple of places: na.e -> nagi'e enai -> gi'enai The sentence: i ko jdasku ca le nu mi fo'a damba co cilce je na'e simsa needs to be changed, but for the moment I don't know to what. I haven't made up my mind about other suggestions (e.g. nelci instead of balre), so for the moment left them as they were. More comments always welcome. ------------------------------------------------------------------------- bimo'o prosa le zabna fasnu be fa le nu la donkixotes bifymlo ke se terpa lifri noi pu noroi co'a se pensi ije go'i le termojyxau fasnu noi drata no'i la donkixotes goi ko'a e la santcopansas goi ko'e facki fi fo'a goi cinoji'ivono bifymlo be va le srasu foldi i ca le nu ko'a fo'a co'a viska cu cusku fi le ko'a santyse'u fe lu be'ucu'i le su'u le selfunca ca'o gidva le mi'o cuntu cu zabna zmadu le su'u mi'o pu'i pacna i va le nu facki fi ji'iza'uso'u cilce brabracrida kei do viska doi pendo po'u la santcos le pu'o se damba be mi ije go'i le te lebna be le ka jmive bei mi ije go'i le te vimcu be fo le mi'o co'a se ricfu i vu'e le nu jamna le go'i cu vrude i xamgu selfu le cevni le nu vimcu le palci tsiju le terdi sefta li'u i ko'e cusku lu ma brabracrida li'u i le ko'e selse'u ko'e spuda lu do viska le go'i noi birka clani i ca'a se cafne le nu le ri so'o birka cu ki'otre li piso'aci li'u i ko'e ko'a spuda lu ju'i doi nobli le va simsa goi fo'a brabracrida nagi'e bifymlo i le fo'a simsa be lo birka cu balre le molki i le go'i ca le nu ca'o se catke le brife cu gasnu le nu le molki rokci cu carna li'u i ko'a ko'e spuda lu za'a do na certu le ve capli'u i fo'a brabracrida ju'o i i'ecu'i xu do terpa paunai i ai ko sezmu'u fi ta i ko jdasku ca le nu mi fo'a damba co cilce je na'e simsa li'u i ca le nu ca'o cusku di'u kei ko'a jafti'e minde le xirma po'u la rosinantes i na'e jundi le ko'e krixa kajde be fi le nu le pu'o se gunta cu bifymlo gi'enai brabracrida i ko'a birti le du'u fo'a brabracrida i seja'ebo na'e tirna le ko'e voksa gi'e na'e viska le ca'a me fo'a ki'unai le nu vi zvati fo'a i ca'o cladu cusku lu le'o ko na rivbi fi'inai tolvri je palci danlu i za'upa le nobli do na gunta li'u i co'a brife ca le nu co'u go'i i le barda balre co'a carna i ko'a seri'i le nu viska le nu go'i cu cusku lu mi do pu'o sfasa ki'unai le nu do muvdu vei mo'e le birka pe le brabracrida po'e la briareos ve'o birka li'u i ca le nu ba'o cusku di'u kei ko'a sezpevdu'a le ko'a fetno'i po'u la dulsineas gi'e pikci ri le nu sidju sera'a le ca ckape i le xacysanta ca'o marbi ko'a ije le claxa'i cu bredi i ko'a fo'a co'a klama i ko'a gunta le pamoi pe le ca'u molki i ko'a darxi le molki le xarci le balre noi tsali se muvdu le brife ja'e le nu po'irgau le xarci gi'e falgau le xirma e le xirselma'erno'i noi carna re'o le foldi i ko'e ko'a fu le xasli cu klama co sutra be du'i le ni ri ka'e no'a i ca le nu ba'o klama kei ko'e facki le du'u ko'a na'e ka'e sezmu'u i la santcos cusku lu le cevni mi'o uu bandu i xu mi le mi nobli pu cusku le du'u ko traji pensi le nu zukte i xu go'i fi le du'u fo'a ca'a bifymlo noi ka'e na'e se djuno le po'o se stedu co vasru be fo'a li'u i la donkixotes ko'e spuda lu ko smaji doi pendo po'u la santcos i ka'u le jamna cuntu ka'e binxo semau ro le drata i le prije po'u la frestOn noi zerle'a le mi kumfa e le cukta cu galfi le brabracrida le molki sezu'e le nu mi claxu le nu jinga fi fo'a i le go'i mi bradi i ca le famfa'o le tolka'erselylacri je palci na snada le nu fapro le mi dakyxa'i vrude li'u i la santcopansas spuda fi lu ba fasnu du'o le cevni li'u i ko'e ko'a sidju le nu co'a sanli gi'e xirma cpare la rosinantes noi milxe spofu i li'oli'o ------------------------------------------------------------------------- mi'e xorxes