From @YaleVM.YCC.YALE.EDU:LOJBAN@CUVMB.BITNET Wed Sep 8 04:55:34 1993 Received: from ELI.CS.YALE.EDU by NEBULA.SYSTEMSZ.CS.YALE.EDU via SMTP; Wed, 8 Sep 1993 08:54:17 -0400 Received: from YALEVM.YCC.YALE.EDU by eli.CS.YALE.EDU via SMTP; Wed, 8 Sep 1993 08:54:11 -0400 Message-Id: <199309081254.AA03259@eli.CS.YALE.EDU> Received: from CUVMB.CC.COLUMBIA.EDU by YaleVM.YCC.Yale.Edu (IBM VM SMTP V2R2) with BSMTP id 6305; Wed, 08 Sep 93 08:52:34 EDT Received: from CUVMB.COLUMBIA.EDU by CUVMB.CC.COLUMBIA.EDU (Mailer R2.07) with BSMTP id 9989; Wed, 08 Sep 93 08:55:39 EDT Date: Wed, 8 Sep 1993 08:55:34 -0400 Reply-To: vilva@viikki21.helsinki.fi Sender: Lojban list From: Veijo Vilva Subject: CAFE.TEXT.REV just warming up / 1 X-To: lojban@cuvmb.cc.columbia.edu To: Erik Rauch Status: RO X-Status: This is the revised version of my ckafybarja story from July. All the modifications are thank's to Nick. co'o mi'e veion ni'o le ckafybarja cu te vanci .i fadni ke savru je snusna .i fo'a goi la xiron. zvati ke viska je tirna .i fo'a jisygau le poi se cliva re le velbarja ku'o jubme .i le jubme cu slabu fo'a .i le na'e xutla ke cindu sefta cu te ciska fi su'o lo pu zutla'i .i le fo'a degji cu xendo pencu pa le lerfu tarmi .i fo'a puzu ciska ra no'u le le fo'a pu cmene ku crale'u .i cladu voksa .i lu coi doi xiron. ko klama mi li'u se cusku le goi ko'a nanmu poi zutla'i pa va jubme .i fo'a co'u jisygau gi'e co'a klama ko'a .i ko'a noi di'i vi velbarja ku'o zutkansa pa nanla goi ko'e poi cnino fo'a .i lu fi'i doi velbarja .i do.io se sidju mi ma li'u se cusku fo'a .i lu ki'e .i ti du la pit. no'u le mi bersa ku.ui .i pe'u xiron. ko friti le ckafi pela'u re kabryca'u mi li'u se cusku ko'a .i lu mi'e xiron. fi'i pit. li'u se cusku fo'a .i fo'a catlu ko'e gi'e jinvi le du'u ko'e na'e simsa le patfu .i fo'a klama le jupku'a gi'e jupyzba le ckafi .e la ganpauder. po'u le ri'ortcati zi'epe la'u pa kabryca'u .i fo'a ta'e pinxe la ganpauder. noi fo'a mutce nelci .i fo'a xrukla le jubme gi'ecabo bevri le ci kabri .i fo'a lu fi'ido'u ko cpacu le ckafi li'u cusku gi'e punji re le kabri le jbusfe .i lu pe'udo'u xu do curmi le nu mi ze'i zutkansa do li'u preti fi fo'a .i zo fi'i danfu .i fo'a co'a zutse gi'e masno pinxe le glare tcati gi'e smaji catlu ko'a .e ko'e .i fo'a ta'e smaji ke tersku je catlu le simjikca velbarja .i ko'a joi ko'e smaji ke simxu casnu .i la'edi'u savru fo'a .i lu .a'u ma te klama ti ko'e .i xu ko'e pu'i tavla fi la lojban. li'u peinrei fi fo'a .i fo'a ru'inai pensi loi goi ko'i vrici poi dandu le bitmu .i lu ko'i ka'e xajmi li'u .i fo'a ba'o pinxe le mo'u glare tcati .i zo ki'e .i fo'a cliva le jubme gi'e di'a gunka .i ca'o vanci je savru je snusna li'u .i ri se pinka zoi gy. lujvo in the order of appearance: ckafybarja ckafi barja snusna casnu sance jisygau jinsa gasnu velbarja ve barja zutla'i zutse lamji crale'u crane lerfu zutkansa zutse kansa kabryca'u kabri canlu jupku'a jukpa kumfa jupyzba jukpa zbasu ri'ortcati crino tcati xrukla xruti klama jbusfe jubme senfa tersku te cusku simjikca simxu jikca peinrei pensi preti ------------------------------------------------------------------ Veijo Vilva vilva@viikki21.helsinki.fi