From LOJBAN%CUVMB.BITNET@UGA.CC.UGA.EDU Tue Jul 19 20:56:57 1994
Message-Id: <199407200056.AA24315@nfs1.digex.net>
Date: Tue Jul 19 20:56:57 1994
Reply-To: jorge@PHYAST.PITT.EDU
Sender: Lojban list <LOJBAN@CUVMB.BITNET>
From: Jorge Llambias <jorge@PHYAST.PITT.EDU>
Subject:      CAFE.TEXT:  vi le ckafybarja
X-To:         lojban@cuvmb.cc.columbia.edu
To: Bob LeChevalier <lojbab@access.digex.net>
Status: RO

la xorxes nerkla le ckafybarja  .i noda zvati
.i vi nanca be li pa smaji  .i xy cy zvati noroi le purci  .i ku'i . .
.i ku'i lei rancindu jubme e le re simkruca cpare bo ka'amru
 noi na minrysarxe e lei mudri patxu be lo ckafi cu slabu
.i xy pu se tavla fi le go'i  .i ri na satci mapti lei xanri be xy
.i lei jubme cu kandi zmadu  .i le ko'amru cu tolbasna na'e minrysarxe
.i lei patxu cu te ciska bau so'o cizra bangu lei cizra lerfu
.i ku'i slabu

.i milxe gusni le nenri  .i xy jbikla le jubme gi'e catlu le ri sefta
.i ua uanai li'a la se xebni fraktur

.i xy ki'asku <<lu coidoido'u xu da zvati li'u>>
.i tirna le kandi savru noi klama le gapru
.i ba lo temci da cnita klama fo le serti
.i ra se spaji gi'e cusku <<lu fi'icai doi zabna vitke
 .i mi gleki le nu da jdice le du'u klama ti
 .i le barja pu kunti ze'u le purci nanca  .i mi badri le nu go'i
 .i mi djica le nu krefu tirna lei respa joi mabru lisri li'u>>

.i <<lu a'a ie respa joi mabru li'u>> se cusku xy
 noi na'e mutce se cinri
.i <<lu .i e'osai mi djica tu'a lo kabri be loi tcati selpinxe li'u>>
.i le tcetavla cu spusku lu << io ui mi bazi bevri le tcati do
 .i ju'o xagrai tcati  .i mi'a terve'u fi le po'o xagrai sabji li'u>>
.i ty klama na'ebo le jupku'a

.i xy zutse le stizu pe le jubme noi lamji le bitmu  .i denpa
.i ba'a da bazi vi kansa  .i ju'o


mi'e xorxes