Message-Id: <199408081743.AA25573@nfs1.digex.net>
Date:         Mon, 8 Aug 1994 13:44:40 EDT
Reply-To: jorge@PHYAST.PITT.EDU
Sender: Lojban list <LOJBAN@CUVMB.BITNET>
From: Jorge Llambias <jorge@PHYAST.PITT.EDU>
Subject:      Re: Lojbanizing umlaut
To: Bob LeChevalier <lojbab@access.digex.net>
Status: RO

la nitcion di'e spusku la ucleaar

> =Why? Why does a gismu for roses deserve to die in the arse? Nick may
> =be hyperbolical, but he has usually struck me as sane.
>
> .i ledu'u mi dukse tarti cusku cu drani .ia .iku'i ledu'u mi racli cu so'uroi
> .iepei se senpi su'o prenu zo'o

i xu le nu pilno zo so'u mupli le do ka dustra cusku
i zo'onai mi tugni la and le du'u do ta'e racli so'a racli
i zu'unai le du'u le ka da racli cu te tavla cu pensygau fi le du'u
  cumki fa le nu da na'e mulno racli
i e'u iepei xamgu fa le nu do vitke le menli mikce zo'o

> .i mi tavla fi lenu zo rozgu cu gismu .e'a
> na.e lenu ri .ei gismu mu'i lenu ka'e pe'a zei tavla

y.. ki'a
i gonai do na tavla fi ra gi do tavla fi ra
i to'e cumki fa le nu do tavla fi ra na.e ra
i ju mukti fa le traji xamgu

> .i lenu zo rozgu cu
> sinxa su'o se tcacynibli cu kulnu steci gi'epe'i na'e mapti le'e lojbo
> gi'uste

i ie le ve skicu be le nu sinxa cu na'e mapti le gi'uste
i ku'i pe'ipei zo rozgu cu zmadu zo sfofa mu'a le ka kulnu steci

> .isemu'ibo mi stidi lenu toljundi loi jaisecu'u darlu be leka zo
> rozgu cu .ei gismu kei poi steci leka tcacynibli be'o

i pe'i le traji tsali jaisecu'u darlu be le du'u zo rozgu cu .ei gismu
  cu du le du'u zo rozgu cu ca'a gismu

> .i.a'o do'o se zdile le sralo se tcacysku poi mi pu pilno .i lei sralo cu
> simsa mi leka nelci loi vlile joi dukse skutadji

i uacai vi ba'e ra mi pu cilre

co'o mi'e xorxes