From jorge@PHYAST.PITT.EDU  Sat Mar  6 22:46:42 2010
From: jorge@PHYAST.PITT.EDU
Subject:      Re: indirect commands?
Date: Sat Mar  4 14:02:50 1995
Status: RO
X-From-Space-Date: Sat Mar  4 14:02:50 1995
X-From-Space-Address: LOJBAN%CUVMB.BITNET@uga.cc.uga.edu
Message-ID: <Czclt06efUN.A.1dG.Sv0kLB@chain.digitalkingdom.org>

> .i xu mi na djuno da zo kau

i ja'a go'i  i ju'o do djuno so'ida zo kau
i zo'o mu'a do djuno le du'u zo kau cu cmavo

> .i ja'ima zo kau galfi lo selsni bezo ko

i noda ca javni  i le do seljivni le mi seljivni cu dunli
le ka drani kakne  i pe'i zo ko sinxa lo te cusku
i secau zo kau lo te cusku be fi la'e zo mi  i na'e secau zo kau
lo te cusku be le jufra poi vasru lu kokau li'u

> > i lu kokau li'u jai minde la'e zo do na.u na'ebori
> .i ja'i ba'e ma go'i vau .uanaisai

i ja'i le mi seljivni  i cumki fa le nu mi pu dukse carmi xusra

> > >.i mi smadi lenu lo po'o cmavo
> > > be zo doi joi zo coi ku po'o kakne lenu jai sniga'i zo do .e zo ko
> >
> > i ie go'ira'o  i ku'i lu kokau li'u na mintu zo ko
>
> .i .ie na go'i .iku'i ja'a simsa
> .i lu mi cusku lesedu'u mi klama li'u fanva fuzoi gy. I say I go .gy.
> .i lu mi cusku lesedu'u mikau klama li'u fanva fuzoi gy. I say that it's
> *me* who goes .gy.

i na go'i ca'i le gerna selfinti be la djan  i ca'i sy lu mikau li'u
mintu lu makau li'u e lu dakau li'u e ro simsa

i lu mi cusku le sedu'u ba'e mi klama li'u fanva fu ru
i pe'i lu ko'a cusku le sedu'u mikau klama li'u smuni lu ko'a cusku
lu mi klama li'u li'u  i ju'o zo kau ba'e na smuni zo ba'e

> .i lu mi cusku lesedu'u ko klama li'u fanva fuzoi gy. I say that I tell
> you to go. .gy.

i na go'i  i ra se fanva fu zoi gy "Make it true that I say that you go" gy.
i bebna te minde ki'u le nu le te cusku cu na'e kakne le nu tinbe

i zoi gy "I say that I tell you to go" gy se fanva fu lu mi cusku le sedu'u
mi minde do le nu klama li'u   i pe'i ji'a lu mi cusku le sedu'u mi cusku
do le sedu'u kokau klama li'u

i ko zgana le du'u do nitcu re selbri le nu fanva
zoi gy "I _say_ that I _tell_" gy  i ji'a go'i le du'u zoi gy tell gy
smuni zo minde enai zo cusku va'o la'e di'u

> .i lu mi cusku lesedu'u kokau klama li'u fanva fuzoi gy. I say that
> it's *you* whom I am telling to go. .gy. pe'i .enai zoi gy. I say that
> I tell somebody else to go. .gy. .uanai

i pe'i go'i fu ri na.enai ra
i pe'i lu mi cusku le sedu'u kokau klama kei ko'a li'u smuni
lu mi minde ko'a le nu ko'a klama li'u

> > i ku'i ku'i mi ji'a zmanei zo minde lu kokau li'u
>
> .i'esai

i mi'o rivbi le nu pilno lu kokau li'u  inaja mi'o gleki

> co'o mi'e. goran.

co'o mi'e xorxes