From jorge@PHYAST.PITT.EDU Sat Mar 6 22:46:42 2010 From: jorge@PHYAST.PITT.EDU Subject: da poi mi facki ke'a ca le puzi cerni Date: Tue Mar 28 21:57:12 1995 Status: RO X-From-Space-Date: Tue Mar 28 21:57:12 1995 X-From-Space-Address: LOJBAN%CUVMB.BITNET@uga.cc.uga.edu Message-ID: ca le puzi cerni ca le nu co'a cikna kei mi sanji le du'u mi jmive i la'e di'u na krefu ca ro le djedi i ca so'i djedi mi dukse jundi lei roldei selzukte ja'e le nu mi na'e morji le du'u mi zasti i so'oroi fasnu fa le nu mi tolsanji ckaji ca'o lei so'i djedi a ia lei so'o jeftu i ku'i ui roroi mi krefu facki le du'u mi zasti je jmive i roroi la'e di'u rinka le nu mi gleki i xu la'e di'u fasnu ri'i na'ebomi ji'a i xu da djica le nu te lisri de lo tordu i pe'u do'u ko go'i i mi djica le nu tcidu bau la lojban ki'e mi'e xorxes