Date: Fri, 31 Oct 1997 18:31:10 -0500 (EST) Message-Id: <199710312331.SAA07859@locke.ccil.org> Reply-To: JORGE JOAQUIN LLAMBIAS Sender: Lojban list From: JORGE JOAQUIN LLAMBIAS Subject: Re: lo velrimni klesi pamo'o To: lojban X-Mozilla-Status: 0011 Content-Length: 1920 Lines: 58 cu'u mi joi la markl >> i pe'i zo valsi zo vlile cu rimni fo le ka makau pamoi >> le ba'usle porsi pe ce'u >.i go'i .i ma smuni zo ce'u .i zo ce'u selcau lemi >ma'oste fukpi i zo ce'u cmavo la ko'as le ka sinxa le du'u makau ckaji da i mu'a ro mlatu cu ckaji le ka ce'u mabru i mu'a lo'e perli lo'e plise zmadu le ka mi nelci ce'u i e'u tcidu le papamoi pe la refgram >> i rimni fo le kamba'uslepavmoi >.i go'i fo le kamkemba'uslepavmoi i go'i i ku'i mi roroi jimpe le du'u zo kam cu vasru piro le se lidne i pe'i le drata smuni to zo kambor toi na mutce se pilno >.iku'i le'e valkrakemba'uslepoimi'u cu selkle ge le >kamkemba'uslepavmoi gi le kamkemba'uslekempavyjevrelmoi >gi le kamkemba'uslekempavyjevreljvecibmoi gi le ra'idrata i ienai i pe'i zo kamba'uslepavmoi cu banzu le nu tavla fi mu'a lei ci ba'usle noi pamoi le porsi iseju pe'i zo rodmi'u na mapti >.i xu mi'o stidi zo kamkemba'uslekemjavba'uslepoike'epavmoi i oi oi mi na go'i >.i go le'i kamkemba'uslepavmoi cu selkancu fi li za'upa >gi le porsi be le'i kamkemba'uslepavmoi cu vajni je sarcu >leka velrimni i mi na jimpe i ie le'i kamkemba'uslepavmoi cu selkancu fi li za'upa i ku'i ki'u ma la'e di'u cu nibli je se nibli le du'u le porsi cu sarcu le ka velrimni >> i lo'e ve rimni cu selkai gi'enai broda mintu >.i.uanai mi na jimpe fi lu broda mintu li'u i mu'a valkrakemba'uslepoi mintu i lo'e ve rimni cu selkai gi'enai lo porsi mintu >.i ma cu gismu poi lesu'u ke'a srana zo fanmo kei >panra lesu'u zo co'a srana zo co'u .i xu zo krasi go'i i pe'i go'i i ku'i le krasi be lo valsi na.enai le fanmo be lo valsi cu ba'usle i le valsi cu zasti pujeba le nu bacru >> i le krasi cu lerfu nagi'enai ba'usle >.i mi na jinvi la'edi'u i mi do na tugni i ku'i mi gleki le nu toltugni bau la lojban ui >.i.i'o tu'a ledo pemcrlimeriki cu xamgu zdile i ki'e co'o mi'e xorxes