Date:         Sat, 18 Jul 1998 13:14:45 -0300
Reply-To:     "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Sender:       Lojban list <LOJBAN@CUVMB.BITNET>
From:         "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Subject:      Re: jbopemci
To:           Multiple recipients of list LOJBAN <LOJBAN@CUVMB.BITNET>
Message-ID: <900791384.116479.1@listserv.cuny.edu>
Content-Length: 1964
Lines: 48


>coi xorxes.
>.i no'i paunaiku jbopemci ma fo ma .i ru'a fe la jbotur. fo ko'a goi loi
>lojbo selbi'i cu go'i .i ri kasycau girzu leka runbantadni je sampli
>.ije ru du le'i vi'e terta'a .iku'i ko'a tavla fi da poi zasti vo'a ba'e
>zo'e .i ve djuno .i dukti remei logji

coi maikl
i di'u cinri pinka le lojbo selbi'i  i pe'i le do velski cu mapti lei
terta'a
pe bau le glico i frica ca le nalcafne nu ma'a ca'a pilno le bangu
le nu by ve cusku gi'enai se cusku i bau la lojban lei jbopre cu
vrici le ka casnu makau i ui la jbotur cu jimte nagi'enai se nelrai

>.i mi friti zoi .glic. "But the first
>thing one learns from close examination of any symbolic system sei lo
>snici'e se'u is that it is organized around a problem that it cannot solve
>and cannot acknowledge..." --Dean MacCannell, Empty Meeting
>Ground (1992) .glic.

i xu do tugni la mak,kanl i xu la lojban a la jbotur cu snici'e
i mo le nabmi noi midju le snici'e gi'e ka'enai se danfu gi'e
ka'enai se sanji

>.i .e'a mu'a jbopemci de poi jetnu je jitfa zi'onai poi jetnu najenai jitfa
>ku'o .a lo lojbo fasnu .i di'e jbopemci le barda je xunre .i tu'e
> gu mutsalci fa ko
> lenu le tercli cukta
> ba'o mulno binxo kei
> doi po la jbotur. prenu
> gi do lobysku kakne
>tu'u poi ti tarmi ke'a de'i li sobi ki'o noze ki'o pamu ku'o se tcita lu
>sedrajvelyle'i pe'a li'u
>.i bazi ciksi de co'o mi'e maikl.

i i'e doi maikl i le pemci cu pluka mi gi'u mulno le ka mi jimpe roda ce'u
i a'o do bazi ciksi le du'u makau go jetnu je jitfa ginai jetnu najenai
jitfa
i ta'o uanai ju'ocu'i xu le ka sedysraji cu sinxa le ka jgira

co'o mi'e xorxes