Date:         Sat, 25 Jul 1998 19:44:51 -0300
Reply-To:     "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Sender:       Lojban list <LOJBAN@CUVMB.BITNET>
From:         "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Subject:      Re: jbopemci
To:           Multiple recipients of list LOJBAN <LOJBAN@CUVMB.BITNET>
Message-ID: <901406937.11146.0@listserv.cuny.edu>
Content-Length: 2977
Lines: 62


>coi xorxes. isera'a de'u pe do ku la makkanl. puzi smicusku le cmaci
>selsmadi be la godel .ie .isu'a na mulno fa rolo ve djuno

tora'unai i li'a jitfa fa le du'u ro lo ve djuno cu mulno  i pe'i do skudji
le du'u na mulno fa su'o lo ve djuno  i va'i mulno fa no lo ve djuno
i za'a roda se nandu le nu pilno zo na le nu cusku le da terzu'e
smuni i mi ji'a go'i toi

> .i la lojban. voi
>logji se finti zi'e noi selta'i mutpra pu'o ku'o .e la jbotur. noi
>piso'amei fu'epe'a vasru lo selbi'i befo le bartu fu'o cu co'a snici'e ca
>lemu'e lemi'o selvla cu zunti le mukti selsku vau li'anai sei ki'u de'e

i xu selta'i mutpra i xu se tatpi ke mucti cupra i ju'opei drani rafsi
i no'i ie la lojban ba co'a snici'e ca le nu ly co'a bangu  i ly ba bangu
ca le nu da de zo'u ly da de bangu  i go'i ca le nu lei se bangu
cu te sinxa le selvla le valsi secau le nu roroi tcidu lo vlaste

>ni'o le pemci se tcita cu jbidu'i zoi .norsk. Hofudlausn .norsk. poi se
>tcita le pemci befi la'o .norsk. Egil Skallagrimsson .norsk. beife to'u
>lejai va'o toljgira fasnu be ri .i ku'i do na jimpe pixoda .ije da mo

i pe'i mi jimpe le sefta smuni i ku'i mi na birti le du'u xukau mi
facki lo cnomau smuni  i mu'a mi se zdile le nu skicu lei la jbotur
prenu fo le ka mutsalci gi'u lobysku kakne  i mi pu cladu cmila
i le pemci cu xamgu mi noi tcidu ki'u le nu py minra lei mi sidbo
iju le terpemci cu selsi'o simsa

>ni'o no'i zu'u li'a so'ilo seznatfe ckaji ra'i le bartu pe'a cu xlura la
>jbotur. i nake selsku cumki node .i .ia selsku zmadu bo cumki le jbonunpei
>.izu'unai da'o da zo'u da ka me la'e zo pe'a .ije da lojbo nandu ra'inai

i xu do ca'a lifri le nu nadmau fa le nu pilno lei valsi le nu cusku
lo nalseljva selvla  i pe'i lojbo ranmi  i ri'i mi lo'e pixra nuncusku
lo'e satci nuncusku cu simsa le ka nandu ja frili

>.ija mu'a de zo'u de ka me la'e tu dei jitfa tu'u .i paunaiku cu'e jimpe de
>.i ri jetnu najenai jitfa .i leni de simsa lo zasti cu zmadu leni vo'a
>simsa lo selcru .i de sinxa ro pevbanbancu .i bi'unai skacau blanu sidbo

i ku'i le ka lu dei jitfa li'u cu cizra na steci la lojban  i fildu'i le nu
cusku bau le glibau mu'a

>.i ji'a ta'u ko'a goi lo jufra pe sekai da cu jetnu fi ledu'u la'e ko'a
>zasti kei gi'e jitfa fi ledu'u le velsku befe ko'a genai zasti gi pixra
>pe'a sei zo'o .i bi'unai vlile sipna .i da sinxa le murse tutra be lonu
>senva .ita'ase'inai co'o mi'e maikl.

i pe'i le du'u jetnu jikau jitfa so'iroi na mutce le ka vajni
i vajni fa le nu le cusku cu snada le nu benji le smuni
le tersku i pe'ipei  i e'a lei skacau ke crino sidbo cu vlile
sipna

co'o mi'e xorxes