Date:         Sat, 18 Jul 1998 14:25:12 -0300
Reply-To:     "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Sender:       Lojban list <LOJBAN@CUVMB.BITNET>
From:         "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Subject:      Re: jbopemci
To:           Multiple recipients of list LOJBAN <LOJBAN@CUVMB.BITNET>
Message-ID: <900791384.116479.0@listserv.cuny.edu>
Content-Length: 1511
Lines: 35


 >coi xorxes. sutra spuda ledo di'u .u'iru'e pisu'ole mi de'u mu'e selsku le
>ru'inai nu mi kecta vo'a ledu'u ponse so'i ciskyselsku poi nabo gubgau ke'a
>.i .u'ise'i barda klani pelji .ito'u la'e zo ziryroi puzu ze'i rinka lenu
>mi pacna jebabo na'e pacna
>.i se gubgau djica .i se tcidu djica .i ze'e roroi ve'e fe'e roroi ku go'i
>.iku'i na'o xruti le seldu'a mi

i e'u ko pacna gi'enai na'e pacna i lei tcidu za'o na so'imei i ku'i
ty masno zenba le ka xokaumei i a'o do ca'o finti bau la lojban
i mutce le ka pluka mi e loi drata kei fa le selkai be le do selfi'i

>.i ra'unai .ise'o leka jmisampu ciskycusku to to'eke zirpu pe'a toi ce'u
>kei ku za'o sarcu

i ie lei tolzi'u za'o sarcu i ku'i lei zirpu ji'a ka'e panra zasti
i so'o pemci pe la'e zo ziryroi cu na'e zirpu gi'e melbi

>.iseri'abo lo terpemci noi sebai troci co cusku lo selsku
>cumki be noda ku'o ba burna lenu jgira jeke pamei sezmlu vlipa
>.ixu ranxi co'o mi'e maikl.

i go'i i ku'i e'u mi'o na dukse le ka dunku i lei pamoi nuntoi
ka'e simlu le ka verfi'i ce'u kei ca le balvi i ku'i pe'i ca noda
ba krinu le nu burna i lo tilcfu je pluja ba se jicmu lo sampu
je rufsu

co'o mi'e xorxes