Date:         Sat, 15 Aug 1998 01:34:37 -0300
Reply-To:     "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Sender:       Lojban list <LOJBAN@CUVMB.BITNET>
From:         "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Subject:      Re: jbopemci
To:           Multiple recipients of list LOJBAN <LOJBAN@CUVMB.BITNET>
Message-ID: <903155937.103842.0@listserv.cuny.edu>
Content-Length: 2905
Lines: 83


>coi xorxes. sera'a de'u ta'u le mukti be le jubme pu du'u sarji lo kabri
>.enai lo pu'o sipna
>
>.iji'a lei clira xukske bo facki puzu pilno lu'e xekri solri lenu sinxa
>ko'a goi le censa lifri noi na ka'e se skicu bau

i ki'anai  i la lojban cu xajmi  i xu do sanji le du'u zo xuk cu rafsi
zu xruki enai zo xukmi  i ca'o lo teicma mi na jimpe le du'u makau
te srana le saske be lo'e xruki le nu lifri lo censa  i ku'i xajmi ji'a
fa le nu lo'e xukmi lo'e xruki cu zmadu le ka srana lo censa

>.izo'onai le lifre be le
>senva be ra ka'enai djuno ledu'u ra ja'aje'ikauna camfunca vo'a .iku'i ba'e
>no'e funca fa lenu snecau

i su'o senva lifri cu krici le du'u le ri selsne ja'a funca ri a lo drata
i ku'i lei ri selsne cu ta'e ka'e se skicu bau i pau pe'ipei le ka na ka'e
se skicu bau cu se ckaji le se lifri ji le lifri

>.ita'onai ko'a se simsa lezu'o menli tolplo pe'a
>poi ru'ijeze'u fu'epe'a vimcu le nalcku fu'o le ba cukta

i pau ga'inai ki'u ma do mutce le ka pilno zo pe'a
i xu do jinvi le du'u mu'a le ba cukta le nalcku cu zmadu
le ka zasti gi'a mleca le ka xanri

>.i di'e se tcita lu djinunkla li'u .itu'e
> .i lemi temci co naljibri
> roroi pimo'amei .oi
> .i bapli mi lenu vo'e du'e
> minji ca kurji .i go'i so'i
> selni'i be lepu selzu'e pe mi
> .i djica fami lenu mi cfari
> lo cnino goi ko'a .iku'i le jai
> vi pevbanro fai ko'a ku
> cu ckaji leka mritcita
> barda ba'u
>tu'u

i di'e se tcita lu ri'ezgi li'u i tu'e
i le rirxe so'iroi rapli li su'oso'i
i le rirxe cu ze'e stali le ka cenba
i le krefu be le rirxe bei lo namcu
to cunso toi cu mitrai le drata krefu
i lei selfi'i be lei remna cu na frica
i lo cnino cu cfari ze'e ju'o
i ro cnino lo saurvi'o ja'a minra
tu'u

>ni'o le bi'unai jubme puzuve'u lenku tu'unai la jbotur. va'o lenu nandu co
>jibri je prami to ko'e goi le pe mi ziryro'i pe'a vega'a roleko'e nu tamcne
>toi .i lo terpemci na bainai binxo co cusycau

i mi stidi le du'u bastygau lo cnino triju'a lu e'osai ko sarji la lojban
li'u
i lu e'osai ko te jubme fi la jbotur li'u

>ni'o di'e pemci bazu la'edi'u .itu'e
> .i le jaica lenu co'a kacnenri
> kei cu traji leka mi cinmo to'e
> le remei po'u mi'a .i le vorme
> bele kacyzda cu selylafti
> .ige tirna fami .oi le sance
> be la'edi'u go vo'e binxo le sinxa be
> roda poi mi vi'e cirko ke'a
>tu'u se tcita lu le pluta pe leka tolvitno li'u

i tsali pemci i cumki fa le nu darno le ziryro'i
le ka temci je canlu i ku'i jibni fi le ka cinmo
cusku

>.i cabna .o'usai pa'ese'inai co'o mi'e maikl.


i'o co'o mi'e xorxes