Date:         Sun, 23 Aug 1998 17:26:54 -0300
Reply-To:     "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Sender:       Lojban list <LOJBAN@CUVMB.BITNET>
From:         "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Subject:      Re: jbopemci
To:           Multiple recipients of list LOJBAN <LOJBAN@CUVMB.BITNET>
Message-ID: <903904661.1014604.0@listserv.cuny.edu>
Content-Length: 3663
Lines: 127


>coi xorxes.
>.i .u'uzo'o mi rafcnino ba'onai
>.ika'u le'e xruki lo carvi cu rubjmi .iseni'ibo di'inai lenu ea djacu
>mrobi'o gau lera sajykalri moklu .i su'azo'ojezo'onai le'e remna go'i bai
>lonu lifri lo censa

coi maikl
i pe'i lo'e remna cu nelci le nu ciksi lo cunso fo lo censa
i mi na fapro va'o le nu na pluta le nu kusru i lo'e censa
so'iroi ka'e melbi

>ni'o leni ka nake na ka'e se skicu bau ke'e cu cenba gi'e piso'amei calenu
>le presni bele senva lifri cu selcau le senva

i ua do mi tavla le nu tolmorji  i li'a ro da poi na se morji na ka'e se
skicu
i ku'i do pilno zo bau  i xu le bau na ka'e se skicu cu ka'e se skicu
sepi'o lo na'e bangu

>ni'o zo pe'a sarcu lo lobynunsku co drani pe'i ja'i ledu'u lo gismu lo
>glivle cu zmadu leka smuni zenba rinju .i zo nalcku ta'u cu selsmu le'i
>na'ebo satci sidbo be le cukta poi mi ca ciskycusku ke'a .ije nago'i lo
>zasti poi na'e cukta

i ue i xu lei na'e satci sidbo be le cukta na zasti  i le pu'o cukta
na ca'o cukta i ku'i zasti  i pe'i ka'e pilno zo pe'a le nu basna
lo nandu se jimpe smubancu  i va'o le nu pilno zo pe'a le nu
ba'argau ro nalsatci selskicu kei le selsku cu tisna lei zunti
i ku'i la'a mi srera

>ni'o ledo pemci zo'u pevdzu co jbini lei se djuno befo bi'i gi lo tu'a
>penjdi gi lo tu'a jijvi'a .i ta rirxe co lifri be fami ji'a

i ki'a penjdi i pau jdice le nu penmi ma

>ni'o lu .e'osai ko te jubme li'o li'u .i'e zo'u mi glakabri joi cpana le
>jubme po'u la jbotur.

i i'e i mi lei pemci do pinxe

>ni'o di'e se tcita lu li pa fi'u no li'u .itu'e
>
> gu'e cairnunxendo
> gi cairnuntolfraxu
> .i mixre co nalmixre vau da'i
> .i le poi ka'e viska
> befi lenu rokfanta
> ku'o kanla cu binxo
> lese cfipu bele sampu
> preti .i guksance
> cinki gu'e nenri
> le muvdypixra
> depkumfa gi cnita le savru
> dikni pelei balvi
>tu'u

i lu su'o pixra be loi fasnu li'u di'e tcita i tu'e

i lei pixra be lo purci
noi le mojrango cu skagau ke'a
lei satci tcila noi noroi zasti
be'o
joi lei pixra be lo balvi
noi le pa'anrango mi vi'argau ke'a
gi'e krigau le nu jo'unai roda ba prane
cu zunti le cabna gi'e fanta
le nu lifri jmive
i mabla sirji lei cisma le kacma

tu'u

>.i di'e se tcita lu le le pu mi ku cukta li'u .itu'e
>
> le ba'o mela'e zo
> .u'ecaire'e zo'u
> mi morji co milxe
> .i xu le poi cliva ke'a
> zi'e poi nenri le karce
> ku'o mela kok. me'o ca'o
> ckaji leka mela kok.
> kei ba lenu vo'a reroi
> mu'e glabi'o sela'u li
> su'o pareno
>
>tu'u

i xu kelvo li pareno i e'u na pinxe
i la kok cu dukse le ka sligu

>.i di'e se tcita lu poi simsa be lo cipna be'o traji li'u .itu'e
>
> .o'ucu'isai le po'u
> ko'a .o mi remei
> ge ge marbi ja termra
> ge censa ja tolcensa gi
> fu'epe'anai greku co
> smuni ja tolsmu fu'o
> vau .u'ecaire'e
> ro'ujoiro'ijoiro'e .i
> seri'abo ba sanga fa mi le
> selsanga pe lomu'e
> spebi'o
>
> .ije salci lenu nupre
> lo cimnytei fa re
> cmalyranji
>
>tu'u

i le vitno jetnu cu rapli i lei dutsi'u cu trisi'u
ito lo'u ro'ujoiro'ijoiro'e le'u na gendra
i lu ro'uro'iro'e li'u banzu toi

>.ita'o la kok. cu misno saktyselpinxe co'o mi'e maikl.

i zo kokakolas zo kok cu zmadu le ka misno cmene
i pu le nu tcidu le do ve ciksi kei mi krici le nu zo kok
cu cmene le do mlatu a le do gerku
i co'o mi'e xorxes