Date:         Wed, 30 Sep 1998 22:54:19 -0300
Reply-To:     "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Sender:       Lojban list <LOJBAN@CUVMB.BITNET>
From:         "=?us-ascii?Q?Jorge_J._Llamb=EDas?=" <jorge@INTERMEDIA.COM.AR>
Subject:      Re: jbopemci
To:           Multiple recipients of list LOJBAN <LOJBAN@CUVMB.BITNET>
Message-ID: <907207771.1125527.0@listserv.cuny.edu>
Content-Length: 3960
Lines: 98


>coi xorxes.

coi maikl  i mi zukte so'ida ca le puzi jefyfa'o iseki'ubo mi na
snada le nu spuda le do selmri  i caku mi ja'a go'i

>lu xu lo pemci be la jbotut. ka'e minra da poi le terpemci na finti ke'a
>li'u zo'u za'a ma'i le cabna rolterdi ku so'i prenu co'a cuxna leri kulnu
>tcaci le'i terdjuno befa ri .i nibli lenu rixici se cuxna fi zo'e pe ku'u
>le so'emei xanri ri .i calenu ko'a goi lo prenu cu lojbo selbi'i ji'a kei
>ko'a pa'a cuxna fi le'i terta'a pe la jbotut. i ko'a se xanri loka mulno .i
>le bangu poi ve cusku fe le sidbo be le mulno ku'o ba xlura fi lenu
>zo'exipa .enai zo'exire cuxna kakne .i snuti .i ka cnino .i su'a le
>kamymu'o po'o poi ma'a ke'a ka'e jimpe ku'o cou se xanri ka mulno

i zo selbi'i ki'a  ino'i ie le seljimpe be ma'a ba co'u xanri gi'e
co'a zasti ca le nu zo ma'a cu sinxa lo raumei enai lo mo'amei
i mi smadi le du'u caku so'ada poi mi ke'a ka'e cusku sera'a
la jbotut cu sidbo fi mi  i lo selsku be lo drata zo'u mi ka'e
nelci gi'a zanru gi'a tolnelci gi'a tolzanru i ku'i noda cipra le
kamdra le selsku i pe'i la'e di'u cu zabna gi'enai mabla
i le nu finti bau la lojban cu nibli le nu finti la lojban capa'a
i le nu finti sera'a la jbotut cu nibli le nu finti la jbotut capa'a

>.i mu'a .i ba lenu klama le ropno kei mi cilre lenu pinxe le no'e lenku
>djacu .i da'i ba lenu klama la jbotut. kei mi co'a tersi'o ledu'u lo valsi
>cu simsa lo kamterki'i .enai lo zasti .ija cilre lenu viska le roltei
>nunranji pelo toldi .i ju'e mi finti je facki le cnino tadji be lenu minra
>le munje .i ji'a le poi mi nandu ciskycusku ke'a ku'o selba'u ku ba frica
>le frili selba'u pe mi .i cnomau .i ba'e ti pruxi .i .e'ucu'i ra'u le krasi
>be tu'a lo nunbi'o je finti be'o cu bancu pe'a lo bangu .e loka remna

i mi do tugni le du'u bancu le bangu i ku'i ju'ocu'i xu bancu
le ka bangu e le ka remna i secau le ka bangu kei lo'e remna
ka'e ganse gi'e cinmo i ku'i ka'enai pensi gi'e ra'u ka'enai
benji lei selpensi loi drata i pe'i le nu facki lei munje terki'i
cu se sarcu le nu pensi i le ka remna zo'u le pruxi cu pagbu
le remna i ji'a le nu jijnu cu pagbu le nu remna i le nu se xanri
le bancu be le ka remna cu bancu mi

>ni'o nelci le pemcrsoneto .e lei rimni .e ra'u le tadji be lenu do pilno le
>gerna le cninunsku sedi'o le fanmo jufra .i cinri

i ckire

> .i ta'o ma pagvla kai le pamei ke rajmre gradu pe lo pemci .i naxu zo
>linji vau .i zo senta nu'o pixra xagmau

i linji be loi valsi i senta be loi valsi bei le pemci
i ku'i ge zo linji gi zo senta cu srana le selci'a pemci
i xu ka'e cusku lu tcana be lo pemci li'u

>.i lu sagycinki li'u tcita ledi'e pemci .i tu'e
>
> mlixunre sloska fa le
> puzi co'a cerni
> .i le vacri
> cu jinsa simsa
> .i le zu'o capu
> lumci so'i karce
> kei ja'a cuse
> jalge lemu'e carvi
>
>tu'u .i lu xekcpi ctino li'u tcita ledi'e pemci .i tu'e
>
> le musmalsi simsa pemci
> no pixra cu vasru
> .i le vidysince
> simsa pemci
> cu denpa je vreta
> .i sisti fa lepu'u
> saurkarce
> simsa pemci
> kei so'oroi ba le
> co'u nunkla
> .i mi ge nenri
> le ckafybarja
> noi xanri vo'a
> gi ciskycusku
> gi'e fliba lenu fe ra skicu
>
>tu'u .i baze'eku .ia levi ckafybarja na'e bau zasti .i saunai le nunkri ku
>ku le'i pe la jbotut. i'i vlaxra ka'e binxo fu'epe'a gu le ctino gi ga le
>selti'o gi le terti'o fu'o co'o mi'e maikl.

i i'a mi ji'a pu so'uroi nerkla le lojbo ckafybarja i va'o le nu da'i la
jbotut
cu ka'e birti se skicu kei le ckafybarja cu pagbu ju'o i ku'i mi za'o senpi
i xu le ckafybarja pe do le ckafybarja pe mi cu mintu na'ebo lo cmene

i co'o mi'e xorxes