X-Digest-Num: 151
Message-ID: <44114.151.898.959273824@eGroups.com>
Date: Fri, 28 May 1999 11:20:39 -0400 (EDT)
From: Spigot <spigot@neuron.net>
Subject: sevzi co ka ckini je ka jicmu
X-Yahoo-Message-Num: 898
Content-Length: 2452
Lines: 57

[this is a bit of text i attempted to translate last week.  my plan had
been to go back and proofread it and correct mistakes and rephrase things
more understandably, but, i've found proofreading lojban very hard!
so i'm just posting it as is...]

lu sevzi co ka ckini je ka jicmu li'u
    tcita le di'e prosa .itu'e

.i le menli po'e le banli prije pe le xintu'a
    pu pencu se benji zi'o le stuna le stici
.i loi remna se cmima loi prije .e loi bebna
.iku'i la tadji na se srana lo berti nolraitru .a lo snanu nolraitru
.i le ralci krasi cu klina je carmi
.i pe'a loi dunda flecu cu rirxe le ka manku po'a
.i le nu jorne be lo dacti cu mintu le nu se xanri
.i le nu penmi be le jicmu cu na'e mintu le nu do bancu
.i loi pagbu lo gunma zo'u le ckini munje le jicmu munje cu ckini
.ijecabo sepli
.i ri ra ckini zu'u gi'e ke fancu drata ke'e zu'unai
.i ri fa'u ra ralte le vo'a stuzi
.i le tarmi cu se jalge le ka le ka se ckaji .e la ke se simlu cu frica
.i le nu sance cu se jalge le nu le ka kufra cu drata le ka to'e kufra
.i le ka manku cu se jalge le nu ro valsi cu to'e frica
.i le ka gusni cu se jalge le nu lo xamgu jufra cu frica lo xlali jufra
.i la vo selci cu xruti ri le ri jicmu
.itaibo lo verba cu xruti lo ri mamta
.i lo fagri cu glare .i lo brife cu to'e cando
.i lo djacu cu cilmo .i lo rokci cu jdari
.i lo kanla cu viska .i lo kerla cu tirna .i lo nazbi cu sumne
.i lo tance cu vu'irga'e lo silna .e lo slari
.i ro fasnu cu sepli
.i le se jalge .e le jalge cu se xruti zi'o le banli zasti
.i le selvla be zo galtu .e zo dizlo cu se pilno co ckini
.i nenri fe le gusni fa le manku
.iku'i ko na troci le nu manku jimpe
.i nenri fe le manku fa le gusni
.iku'i ko na sisku le gusni
.i le gusni .e le manku cu remei
.itaibo lo crane jamfu .e le trixe jamfu cu te cadzu
.i ro fasnu cu jinzi vamji
.ije ckini ro fasnu le ka fancu .e le ka stuzi
.i le ka fadni lifri cu mapti le ka jicmu
.itaibo le tanxe cu mapti le ri drudi
.i le ka jicmu cu kansa le ka ckini
.itaibo lo danti cu penmi lo danti vi le midju vacri
.i .e'u le nu do tricu lo valsi cu jai zi jgari le banli zasti fai do
.i ko na pilno lo manri le nu do pajni
.i ganai do na zgana la tadji gi do na zgana ra ca le nu do mintu ra
.i ganai do mintu la tadji gi ge ri na jibni gi ri na darno
.i ganai do se xanri gi le cmana .e le rirxe cu jbini do ce ko'a
.i .io mi cusku fi ro djica be le nu bancu fe
lu ko na fesxaksu le do temci ca le donri .a le nicte tu'u