From araizen@newmail.net Wed Sep 29 21:30:33 1999
X-Digest-Num: 249
Message-ID: <44114.249.1368.959273825@eGroups.com>
Date: Thu, 30 Sep 1999 06:30:33 +0200
From: "Adam Raizen" <araizen@newmail.net>
Subject: Re: re: cecla fanta flalu
X-Yahoo-Message-Num: 1368

de'i li 29/09/99 ti'u li 8:34 la xorxes cusku di'e

> 
> la adam cusku di'e
> 
> >do sruma le du'u le nu da ponse lo xacyce'a cu nibli le nu le ni
> >snura cu jdika .i to'ebo la'e ri drani .i lo'e xacyce'a ponse ka'e
> >sezyjaxybandu tu'a loi zergau .i ei ro prenu cu zifre le nu
> >sezyjaxybandu .ije go'i sepi'o lo xacyce'a va'o le nu ri sarcu
> 
> i ku'i lo'e xacyce'a cu vlipa le nu gunta kei gi'e ruble le nu bandu

.i ji'a lo dakfu cu ka'e se pilno fi le nu gunta .i ku'i so'u prenu cu 
gunta sepi'o lo dakfu .ije le nu ponse lo dakfu na nalselfla

> i le nu da ponse xy cu ckape so'i de gi'enai mutce sidju da
> le nu bandu iseki'ubo le ni snura ca'a jdika
> 

.i uecai ianai le nu xacyce'a ponse cu ruble le nu bandu .i lo'e 
zergau na djica le nu damba .i djica le nu zergau gi'ebabo cliva 
secau lo nabmi .i zy ganai jinvi le du'u penmi lo xacyce'a ponse gi 
facki fi lo drata selxai .i so'a xacyce'a ponse na zergau .i loi zergau 
cu ca'a ponse lo xacyce'a .iju la'e di'u se flalu

> >.i ji'a le
> >nu xacyce'a ponse cu sarcu le nu bandu le nu zifre ku tu'a loi
> >zergau po'onai eji'a tu'a le jecta .i le nu xacyce'a ponse cecmu cu
> >nibli le nu zifre cecmu
> 
> i mi se cfipu i pau do stidi le nu le cecmu ji le cmima be le cecmu
> cu ei zifre le nu ponse xy 

.i e .i ganai le cmima cu ponse cei broda lo xacyce'a gi le cecmu 
cu broda .i le nu le cecmu cu broda cu se smuni le nu le cmima cu 
broda .i le cecmu cu snura .ijo le cmima cu snura

> i su'o jecta cu jitro loi ratni nejni xarci
> i seki'ubo ro prenu cu eipei zifre le nu ponse lo ratnenxa'i
> i pe'i na racli i lo'e xacyce'a cu ruble le nu bandu tu'a loi zergau
> kei gi'e bletce le nu bandu tu'a le jecta

.i lo ratnejni xarci na sarcu le nu bandu fi tu'a le jecta  .i ganai da'i 
loi xabju be la timor pe le stuna cu broda gi le bindo jenmi cu na 
kakne le nu teptcegau je catra .i da'inai no jecta cu kakne le nu 
jdikygau le ni zifre pe lo xacyce'a ponse cecmu

.i co'o mi'e adam
Adam Raizen
araizen@newmail.net
------------------------------------------------------------
"Government is not reason; it is not eloquence; it is force!
Like fire, it is a dangerous servant and a fearful master."
                                         --George Washington