X-Digest-Num: 382
Message-ID: <44114.382.2168.959273826@eGroups.com>
Date: Fri, 03 Mar 2000 12:00:30 PST
From: "Jorge Llambias" <jjllambias@hotmail.com>
Subject: Re: srana zo krici jo'u zo sruma
X-Yahoo-Message-Num: 2168
Content-Length: 1523
Lines: 56


la adam cusku di'e
> > >.i ma te frica zo krici zo sruma
> >
> > i pe'i le nu sruma cu se zukte fi da i le nu krici
> > cu se lifri gi'enai se zukte i ji'a cumki fa le nu de
> > sruma di poi de na krici ke'a
>
>.i ru'a le ka nu zukte cu steci le nu sruma

i sa'e le ka se zukte cu steci le nu sruma

>iseva'obo ma sumti fi le
>terzu'e

i le nu da sruma de cu se zukte da le mu'a nu tadni
le du'u de nibli makau

>.i pe'i nandu fa le nu lifri lo fatci .i va'o le nu lo selfri cu jicmu
>le selkrici kei ma krinu le nu na cusku zo jinvi

i le nu krici enai le se krici cu se lifri
i le nu da krici de na se jdice da i fasnu
i le nu jinvi cu se sarcu lo jicmu i le nu krici
na go'i

>.i ru'a lo selru'a cu jicmu lo seljinvi iseva'obo ma sumti fi le selcmu 
>seljinvi

i mi na jimpe i le nu jinvi fo lo selru'a na xamgu
tcaci i ku'i mi na birti le du'u la'e di'u cu srana
le do preti

> > i ta'o ma te frica zo joi zo jo'u
> >
>.i na'e mutce .i zo joi cu finti lo gunma ije zo jo'u cu finti lo ki'irsi'u
>selci girzu to ta'u girzu le ka selci gi'e ki'irsi'u toi

i le nu zo joi ckini zo lei cu panra le nu zo jo'u ckini ma

>.i lu srana zo krici
>joi zo sruma li'u zo'u pe'i cumki fa le nu srana zo krici po'omu'a
>enai zo sruma va'o le nu zo krici ce zo sruma ra'arsi'u

i cizra i ki'u ma da djica le nu skicu lo srana be zo krici po'o
fo le ka srana zo krici joi zo sruma i palci

co'o mi'e xorxes

______________________________________________________
Get Your Private, Free Email at http://www.hotmail.com