To: lojban@onelist.com
Date: Fri, 14 Apr 2000 14:35:09 +0200
MIME-Version: 1.0
Content-type: text/plain; charset=US-ASCII
Content-transfer-encoding: 7BIT
Subject: Re: [lojban] Objectivism 
Reply-to: araizen@newmail.net
Priority: normal
In-reply-to: <20000410225855.67076.qmail@hotmail.com>
Message-ID: <95574436201@out.newmail.net>
From: "Adam Raizen" <araizen@newmail.net>
Content-Length: 1125
Lines: 27

la xorxes cusku di'e

> >gi'enai tugni .i mu'ara'u la
> >rand xusra le du'u ro da du da to abu du abu toi .i mi na tugni
> 
> i oiro'e i ma mupli le ka ce'u na du ce'u i mi la ain rand
> na tugni roda i ku'i xu racli fa le nu senpi le du'u
> ro da du da i ue uanai ma smuni zo du

.i je'u le jei ro da du da cu lacri le smuni be zo da joi zo du .i pe'i la 
rand tersmu le du'u ro da du da kei goi ko'a le du'u le munje cu 
ga'anai zasti .i la'a drani .i ku'i pamai mi na ka'e birti .i remai na'e 
cinri ki'u le nu tezu'e le nu djuno da fi le munje cu bilga le nu te 
sidbo da .i le sidbo na'eka'e du le se sidbo .i a'o le sidbo roroi 
jbize'a le se sidbo gi'eku'i noroi mulno le ka du le se sidbo to li'a 
so'iroiku le ni le sidbo cu jibni le se sidbo cu banzu le nu sruma toi

.i ji'a pe'i la rand jinvi ko'a fi le mucti ja sidbo munje epo'onai le 
marji munje .i va'i ry jinvi le du'u zasti fa le ga'anai mucti munje .i 
po'onai mi na birti .i mi senpi le du'u drani

.i ji'a pe'i le logji eja'ebo la lojban cu selcmu ko'a .ija'ebo zdile fa 
le nu pensi bau la lojban secau le nu sruma ko'a

.i co'o mi'e adam