Re: [bpfk] lo nu la .peg. zei gerna cu basti la .iak. zei gerna

[Jorge Llambías <jjllambias@gmail.com>]

On Fri, Feb 5, 2016 at 3:14 PM, Ilmen <ilmen.pokebip@gmail.com> wrote:

ni'o sei kucli lo nu da'i jdice lo du'u la .peg. cu basti la .ĭak. lo ka se ca'irselzau cu xamgu ma .i pe'i ge ba'e lo javni gunma .a lo ro jufra poi gendra fi lo ca'irselzau gi nai lo bangu poi se pilno fi lo ka zbasu lo gerna lanli tutci cu vajni

pe'i casnu lo peg zei gerna velski .e nai lo peg zei tutci 

ni'o se pi'o la .peg. noi gerna velski bangu cu kakne ge lo ka zbasu lo ja'a sarxe be lo ca'irselzau gerna gi ku'i lo ka zbasu lo ba'e na sarxe be ri .i pe'i .inda lo ka ca'irselzau ku fa ĭe nai pei ba'e lo gerna velski vreji ge pe la .djavaskript.camxes. poi sarxe lo ca'abna ca'irselzau gerna gi ba'e noi gendra fi la .peg.

mi na nelci lo toljinsa be la djavaskrit be'o gerna velski .i ku'i la'a mi menre lo tolsopmei  

ni'o sa'e da'i BPFK jdice lo du'u la .djavaskript.camxes. poi sarxe lo ca'irselzau gerna cu poi'i BPFK kurji ke'a gi'e zukte fi lo nu ke'a stodi lo ka sarxe lo ca'irselzau kei joi cu tinbe ro ca'irselzau nu gerna cenba poi balvi

ie .i pe'i lo simsa be la'e di'u pu se stidi 

ni'o da'i na fanta lo nu ca su'o balvi su'o cnino gerna velski poi gerna dunli lo ca'irselzau cu ca'irselzau BPFK fau lo nu jundi ge lo nu dunli lo ca'irselzau lo ka ma kau gendra gi nai lo nu ma kau gerna velski bangu to mu'a xu kau me la .peg. toi

ie li'a .ei na dunja bebna

mu'o mi'e xorxes

-- 
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.