Re: [bpfk] ma ka'e bridi

[Gleki Arxokuna <gleki.is.my.name@gmail.com>]

2016-01-19 19:55 GMT+03:00 selpahi <seladwa@gmx.de>:

coi

.i su'o da pu stika lo smuvelcki be zo bridi be'o pe la jbovlaste .i je la gleki cu pante gi'e xusra lo du'u ri na tugni

.i mi pu sruma lo du'u lo jbopre cu dunsi'u lo ka jinvi ma kau lo si'o bridi .i ku'i ŭe na jetnu .i se mu'i bo mi retsku ca'e di'e do .i «lu mi klama li'u» ji lo du'u mi klama cu bridi

.i mi jinvi lo du'u lo du'u mi klama cu bridi lo ka klama .i ro bu'a zo'u lo du'u bu'a cu bridi .i je lo ba'e se du'u bu'a cu vlapoi gi'e se smuni lo du'u bu'a

.i ma tugni .i ma to'e tugni

mi to'e sai tugni i li'a lu lo du'u mi klama li'u gendra ie

i ku'i e'osai do'o morji fi lo sumtcita noi cupra lo simsa be lo bridi

i mu'a lu gau mi do klama li'u jai nibli lo du'u ju'a nai mi gasnu lo nu ju'a do klama li'u

i va'i zo gau cupra lo bridi i ma tadji lo nu skicu tu'a ri

i mu'a ka'e skicu tu'a lo ka gasnu vau ta'i lo ka cusku lu

lu mi gasnu lo nu do klama li'u bridi lo ka gasnu vau zo mi ce'o lu lo nu do klama li'u

i ku'i ta'i ma ciski tu'a zo gau

i xu zo gau cupra lo zilkai i pe'i go'i i pe'i simsa lu lo ka gasnu li'u

i seki'u bo mi mutce nelci lo klesi be lo pamoi cmima be lo te bridi be fi zo bridi i te gerna i na se xusra zi'o a zo'e

i mu'a ji'a mi pu stidi tu'a zo incita noi ka'e tutci lo nu skicu tu'a lo sumtcita

i lu gau mi do klama li'u zo'u zo gau incita lo ka gasnu vau zo mi ce'o lu do klama li'u

ni'o ma prali ma lo nu jinvi lo du'u lo bridi na te gerna

 

.i .ai BPFK ca'ijdi lo du'u lo bridi cu mo kau .i la balningau nu'o di'a fasnu .i ku'i BPFK ka'e cfagau fau lo nu jdice fi zo bridi noi ze'u pu naldra fa lo smuvelcki be ke'a

mi'e la selpa'i

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.

-- 
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.