Re: [bpfk] Re: ma ka'e bridi

[selpahi <seladwa@gmx.de>]

la gleki cu skuna si cusku di'e
> i pe'i sarcu fa lo nu lanli lo korpora i lo nintadni so'i roi na nelci
> lo nu lo bangu cu cenba i ganai lo bridi co'a zilxusra gi sarcu falo nu
> ciksi lo nu lo mukti pu mokau i lo pu nu pilno ka'e su'o va'e lo ka
> zabna ve ciksi

.oi .i xu do stace .i xo nintadni pu'i pilno zo bridi .i xo nintadni ba 
sanji lo nu lo vlavelcki cu frica .i xo nintadni cu se cinri ja se vajni 
.i lo jbobau cu tinbe fi lo nintadni ji lo du'u ma kau sarxe lo logji .i 
ba'e *logji* bangu .i lo do se darlu cu simsa lo pu zu ta'e se darlu be 
lo prula'i cedra jbopre be'o poi du'u se gu su'o da pe lo jbobau cu 
naldra ja spofu gi'a to'e sarxe lo logji jicmu gi ki'u lo nu da'i ba'e 
*sai* su'o nintadni cu nitcu lo ka cilre lo cnino zo'u lo nunstodi ro 
roi xagmau lo nuncenba .i lo nu tai darlu na nunracli .i na mapti lo 
fatci .i je'u sampu .i lo ca'o zasti jbopre poi tadni lo jbobau cu mutce 
lo ka menryme'a lo tadni be ca lo balvi .i se ni'i bo lo nu cikre lo 
bangu cu ji'i ro roi xagmau lo nu na cikre .i lo ba se prali be fi lo nu 
cilre fi lo bangu poi ba'o se cikre cu so'i mei .ije lo ke da'i ka'e ca 
to'e se prali cu so'u mei .i ni'i bo lo balvi cu bramau lo purci .i lo 
jbobau za'o cmalu .i lo nu ca na cikre cu nu jdice lo du'u ro da poi 
balvi tadni ku'o tai tu'a lo prula'i be da cu facki lo du'u la .lojban. 
cu se cfila so'i de .i xu do nelci lo jbobau .i xu do djica lo xamgu be 
ri .i ko curmi lo nuncenba

mi'e la selpa'i

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.