Re: [bpfk] vlapla fuzykamni

[selpahi <seladwa@gmx.de>]

la .piĭer. pu skuna si cusku «lu
> lo lojbo vlamei cu tolbanzu
li'u»

.i do jinvi lo du'u mo'a lojbo pu se ciska kei ji lo du'u mo'a jbovla cu 
zasti .i pe'i pei lo pa moi cu nibli ja se nibli lo re moi

.i «lu
> .i mi pensi lo si'o vlapla fuzykamni .i lo vlapla
> fuzykamni cu finti lo valsi tai (to ta'i nai toi) tu'a lo xebro .e lo magjaro
> .e lo tirkice
li'u»

.i xu na ku la .islenskas. cu simsa .i ti'e na'o na finti lo fu'ivla

.i «lu
> .i lo magjaro cu piso'asi'e pilno
> lo bangu nenri pruca be fi lo cnino valsi .iku'i lo ponjo cu bragunma te
> fu'ivla fu lo glico tezu'e lonu finti lo cnino valsi kei sepa'u lo nu cabybi'o
> (cu'u la .uikipedias.) .i a'ope'i lo magjaro cu zmadu lo ponjo lo ni lo lojbo
> cu simsa ce'u la'e di'u
li'u»

.i je'e .i ku'i mi na jimpe lo du'u do stidi ma kau .i ĭe li'a lo jbobau 
ca'o se pagbu mo'a valsi .i ku'i xu sa'u do stidi lo du'u pilno lo lujvo 
.i simlu fi mi fe lo ka na'e cnino sidbo

.i .e'o ko skicu lo xanri be do kamni fo su'o satcymau .i so'o jbopre pu 
pensi lo simsa be lo me do moi .i lo si'o vlapla fuzykamni na cnino .i 
ku'i cumki fa lo nu lo du'u lo kamni cu gunka ta'i ma kau kei poi do 
si'onsi ke'a cu cnino .a'u

.i mi zo'u, mi tugni fi lo du'u ka'e xamgu fa tu'a lo tai kamni .i ku'i 
mi pu zgafri du'e roi ku lo nu lo jbopre cu fliba lo ka tugnysi'u lo 
du'u ma kau valsi mapti ma kau .i xu ka'e laknygau lo nu zenba lo ka 
tugnysi'u .i mi senpi lo du'u ga ca'a go'i gi lo kamni cu snada

~~~mi'e la selpa'i

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.