Re: [bpfk] Re: jbobau vlaste smuvelski staile se stidi

[Ilmen <ilmen.pokebip@gmail.com>]

ni'o pu za lo masti xadba la .ilmen. di'e ciska

coi ro do

mi pu fanva lo jbobau vlaste smuvelski staile se stidi tsautu papri lo jbobau lo glibau lo se judri be ti ↓

• http://mw.lojban.org/papri/jbobau_vlaste_smuvelski_staile_selti%27i_be_BPFK_tsautu

ni'o ba'a nai dai mi pu glibau mrilu lo srana pu za lo jeftu be li so'o .i ke'u la .na'urs. mi cpedu be lo ka gau ce'u BPFK cmicu'a co zanru lo smuvelski staile se stidi .i va'o lo nu mi na fliba lo ka ganse zo'u ca ti no da smuvelski staile gi'e catni se zanru .i ja'e bo lo smuvelski finti ja fanva noi la .na'urs. cu mupli cu claxu lo staile javni co gidva be fi lo ka ciska lo staile zabna

ni'o .e'o do'o ĭo jundi lo mi se stidi tsautu gi'e piksku va'o lo nu kaidji lo ka stidi gi'a darlu gi'a reisku gi'a sidju gi'a jelgau gi'a mo kau

ni'o mi .aidji lo ka ca su'o bavjbi cu cpedu lo ka cmicu'a co jdice lo du'u xu kau catni zanru lo staile se stidi
.i mi pacna lo du'u ba gau ma'a zasti fa su'o catni se zanru staile

mi'e la .ilmen. mu'o

ni'o ca'e mi junri cpedu fi do doi lo ro cmima be BPFK fe lo ka ro ce'u gubni jungau lo du'u xu kau ri zanru lo du'u lo bi'unai staile selti'i tsautu cu catni se zanru BPFK
.i ji'a .e'o va'o lo nu do cmicu'a lo du'u na catni se zanru cu jungau fe ji'a lo du'u ki'u ma kau tolzau ku ja'e lo mu'a nu ka'e ba xagzengau lo tsautu ja'e lo .a'o nu co'a mansa

.i ke'u lo nu da'i rau kamni cmima cu zanru cu ba na fanta lo nu ca su'o balvi cu xagzengau cnegau lo prosa to va'o lo nu barda nu cnegau zo'u la'a sarcu fa lo nu krefu cmicu'a co zanru lo nu cnegau kei jalge toi

ni'o pu za lo masti xadba la .guskant. di'e ciska

lo jbobau papri ji lo glibau papri cu ei te cmicu'a co zanru

i mi zanru lo remei mi'e la guskant

.i mi pu fanva lo bi'unai glibau papri lo jbobau fu lo bi'unai jbobau papri fau lo nu pacna lo du'u smudu'i banzu .i lo jbobau pu gau co'a bangu ralju fi tu'a BPFK .i ja'e bo .ai ma'a cmicu'a co ralju fa lo me lo jbobau moi .i ju'o lo co'e pe lo jbobau za'o na selpau lo mupli jalge ke papri pagbu .i ku'i ba'a na'e tcetce co vajni .i ku'i .e'e kajde va'o lo nu ganse lo du'u lo me lo glibau moi jo'u lo me lo jbobau moi su'o vajni cu fricysi'u gi'a se cfila

mi'e la .ilmen. mu'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.