Re: [bpfk] Re: jbobau vlaste smuvelski staile se stidi

[Alex Burka <durka42@gmail.com>]

pe'i lo staile selti'i tsautu cu xamgu .i mi nelci lo se stidi pe lo se cusku staile .i loi steci veisle zo'u la'a na jai sarcu pu tu'a la jbovlaste xi re

ni'o lo staile tsautu cu xagmau sai lo noi xa'o zasti vau jbovlaste staile se stidi .i ri stidi tu'a me'o fi'u bu je zoi jy x1=g5=xu3=r4 jy noi mabla

ni'o la .na'urs. pu cpedu ca za'upa da lo nu BPFK cusku lo staile se stidi .i la'a na zabna fa lo nu tolju'i lo dunda djica

ni'o si'au piso'e me BPFK na djica lo nu staile minde seju stidi .i la'a bazaku noda ca'irselzau .i mi stidi lo nu sa'u lo staile stidi djica noi se menre la .na'urs. cu gubgau lo se stidi .i da'i BPFK selfu fi lo velsku secau lo nu ca'irzau .iku'inai pe'i lo plixaurai co tadji be lo nu staile xlura cu nu velcki finti .i ko finti lo velcki noi se staile lo zabna .i lo drata finti ba tinbe

mu'o mi'e durkavore

On September 5, 2015 at 12:52:20 PM, Ilmen (ilmen.pokebip@gmail.com) wrote:

je'e .i'a

ni'o lo dei staile se stidi na mutce lo ka dirba ba'e mi .i je ku'i mi bilga lo ka pe'a bevri lo voksa be lo na ka'e jbobau cpedu be fi BPFK fi ri .i da'i zabna fa lo nu da'i lo krasi finti be lo staile se stidi cu poi'i ke'a ka'e basti be mi darlu lo ke'a sidbo .i ku'i faumlu fa lo nu na cumki .i ki'u ku mi zukte .i ji'a lo bi'u nai staile sidbo cu simlu fi mi fe lo ka xamgu gi'u xamgu tcetce ku .e lo ka xagmau lo manku kunti .u'i noi ca'abna

ni'o da'i BPFK na ba'e minde lo valsi jmina lo ka tinbe lo staile javni .i je da'i BPFK ba'e zukti'i tu'a lo bi'u nai javni gi'e nai me'au su'o bapli zmadu .i mi di'u cusku mu'i lo sa'u nu mi na birti lo du'u xu kau mi pu jmifrili smusku lo du'u go'i

ni'o pei zo'o ru'e da'i ca da BPFK cu catni xusra lo du'u lo dei staile se stidi cu mabla tolrai fi lo ro staile javni poi ca da zasti ku to noi pa mei .i .u'i ĭe da'i na'e plixau toi

ni'o sa'u la .na'urs. pu djica lo du'u ri djuno lo du'u ma kau staile ke catni se zukti'i kei kei te zu'e lo nu pilno fi lo ka fasybau gimste ciska .i la'a .i'a mi ba jungau fi lo du'u BPFK ge jinvi lo du'u clira dukse fi lo nu da catni staile gi .e'unde lo du'u mulno zifre lo ka lo smuvelski se ciska be ce'u cu se tarmi ma kau

ni'o va'o ro da mi ckire do'o lo ka pu jundi lo mi cpedu notci gi'e jungau fi lo du'u ma kau se jinvi

mi'e la .ilmen. mu'o

ni'o la gleki .arxokuna ca lo cabdei je pu tu'a dei di'e ciska

za'adai mi pu troci lo ka pante gi'e cuxna lo drata

i ca ti mi je'a cuxna lo drata i e'u na minde i lo staile cu staile i e'asai zukte lo vo'a staile i ma nabmi

2015-09-05 0:15 GMT+03:00 Jorge Llambías <jjllambias@gmail.com>:

mi tugni la selpa'i .e la tsani 

mi'e xorxes

On Fri, Sep 4, 2015 at 12:14 PM, Jacob Thomas Errington <nictytan@gmail.com> wrote:

.i .u'u mi snuti benji fi la selpa'i ku po'o
.i di'e mi selsku

---------- Forwarded message ----------
From: Jacob Thomas Errington <nictytan@gmail.com>
Date: Sep 4, 2015 10:30 AM
Subject: Re: [bpfk] Re: jbobau vlaste smuvelski staile se stidi
To: selpa'i <seladwa@gmx.de>
Cc:

>
> On Sep 4, 2015 9:24 AM, selpa'i <seladwa@gmx.de> wrote:
> >
> > la .ilmen. cu cusku di'e
> > > ni'o ca'e mi junri cpedu fi do doi lo ro cmima be BPFK fe lo ka ro ce'u
> > > gubni jungau lo du'u xu kau ri zanru lo du'u lo bi'unai staile selti'i
> > > tsautu cu catni se zanru BPFK
> >
> > mi xanka lo nu clirydu'e .i xu lo nu jdice fi lo staile cu vajni pu lo
> > nu ro da poi gismu mu'a zo'u jdice lo du'u smujdi da ma kau .i mi djuno
> > lo du'u la .xelan. pu cpedu .i ku'i je'umlu mi fa lo du'u no ja so'u da
> > vajni te frica lo nu jdice kei lo nu na jdice .i JVS2.0 na bredi .i je
> > lo gimste ku ji'a za'o na bredi (to mu'a la balningau no roi pu mulno toi)

mi xebni la balningau  i la balningau pu srana lo nu daspo pe'a lo laldo smuvelcki poi ka'e se pilno gi'a plixau

i o'u na mulno

> >
> > ni'o la'a lo nu lo drata cu cusku no pinka cu jalge lo nu ra ji'a no'e
> > se vajni .i ku'i mi na birti .i mi na minde lo drata lo ka to'e zanru lo
> > staile se stidi .i ku'i mi na birti lo du'u xu kau sarcu fa lo nu ba'e
> > cmicu'a
> >
> > mi'e la selpa'i mu'o
>
> .i mi tugni la selpa'i .i pe'i lo vajmau cu selzu'e pu lo nu vlaste velcki staile jdice
> .i mu'a la mukti jo'u mi cu casnu lo du'u ma kau da'i drata lo me lo cabna moi gi'e voi sa'e ki stura lo vlavelcki vreji ne JVS 2 .i lo nu da'i nau jdice co staile zo'u lakne fa lo nu na sarxe lo rejystura ne baku
> .i su'a .e'u denpa

na sarcu pe'i falo nu denpa da i sa'u lo vrici tadji lo nu jmina lo valsi JVS boi poi cnino cu cumki

i mu'a mi stidi lo nu jmina lo pa gredile pe lo valsi tcita lo cnino be fa JVS i lo drata ba ka'e stidi lo zmadu i na natfe lo nei

i e'u lo nu jmina lo valsi JVS zo'u ro da zo'u da zukte lo pluka be da

>
> .i mi'e la tsani mu'o

>

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.