Re: [bpfk] broda be ba brode

[Alex Burka <durka42@gmail.com>]

ke'u mi zanru lo sampu je jijyfrili

.i je'u mi to'e sai kakne co tcidu lo .peg. javni .i mi gleki lo nu facki tu'a lo javni noi sampu gi'e zanjimpe lu lo nu broda ba brode li'u je lu broda be ba brode li'u .i mi ca zanru lo di'u javni

.i ie nabmi fa lo nu zo na frica ro drata .i ku'i lo'u broda be na brode le'u na gendra fi lo ca'irselzau .i ku'i ja'a go'i fi lo pu cipra .camxes. (to ia ci'e ri ro tcita cu se pavmeigau toi) .i xu kargu fa lo nu ji'a dungau zo na lo drata tcita

mu'o mi'e la durkavore jo'au la .camxes. jo'au lo terjonma'o ciste pe la selpa'i

On Tue, Mar 29, 2016 at 10:24 PM, guskant <gusni.kantu@gmail.com> wrote:

Le mardi 29 mars 2016 22:00:29 UTC, Ilmen a écrit :

ĭe mi ji'a ckire la .guskant. lo ka jmifrili ciksi lo sidbo

ni'o ku'i lo nu «lu broda be ba brode li'u» stodi lo ka gendra na fanta
lo nu pilno lo bi'u nai sampu javni poi do'o stidi .i lo na nelci be
ri'oi gerna morna na bilga lo ka pilno ri ku ki'u lo nu ri gerna se
curmi .i ku'i mu'i ma gau da'i bilga fa lo drata lo ka na pilno

i lo nu .ei lo'u tag KU le'u lu NA KU li'u dunli lo ka gerna

i la'a lo zanru be lo 2 moi cu jinvi lo du'u .e'a lo'u tag KU le'u lu NA KU li'u frica lo ka gerna

i ku'i mi jinvi lo na se go'i ki'u la'e di'e 

i tu'e

la tag cu se cmima ma'oi CAhA noi mi jinvi lo du'u ke'a sarji lo modal zei logji

i va'o lo modal zei logji lu CAhA ku li'u lu NA KU li'u dunli lo ka gerna

i mi djica lo nu la lojban cu kakne lo nu sarji ro lo vrici be lo logji 

i lo nu lo'u tag KU le'u lu NA KU li'u dunli lo ka gerna cu se jalge lo nu frili fa lo nu la lojban cu sarxe lo stura be lo modal zei logji

tu'u

ni'o do kakne lo nu ma'oi NA ji'a gau sarxe lo'u broda be na brode le'u

i je'u lo 2 moi a lo se go'i cu na sarcu gi'e ku'i na fanta vau lo si'o go la tag fa'u ma'oi NA zo ku li'erla'i gi la tag fa'u ma'oi NA cu sumsmi 

i ku'i va'o lo nu lo di'u sidbo cu ca'irselzau kei lo se jbobau cu se spaji lo nu da'i lo gerna cu curmi tu'a lo'u broda be ba brode le'u .e lo'u broda be na brode le'u vu'o noi na se nitcu vo'a ku'o fi'o se troci lo pluja stura be lo gerna

mi'e la guskant jo'au zantufa

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.

-- 
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.