Re: [bpfk] ju'o / ju'o nai

[selpa'i <seladwa@gmx.de>]

la .xorxes. cu cusku di'e
> mi do milxe tugni .i pe'i .ei lu ju'o cu'i li'u fa'u lu ju'o nai li'u
> mapti zoi gy maybe gy fa'u zoi gy no idea gy
>
> .i va'i zo ju'o sinxa lo nu lo cusku cu birti lo du'u cy djuno .i lu
> ju'o cu'i li'u cu sinxa lo nu na birti lo du'u xu kau djuno .i lu ju'o
> nai li'u sinxa lo nu birti lo du'u na djuno

.i'e nai ru'e .i pe'i lo ci moi na sarxe lo re drata .i ko karbi fi zo 
.ai fa'u «lu .ai nai li'u» .i .aidji fa'u to'e .aidji .i je nai «lu .ai 
nai li'u» panra «lu .aidji lo ka na co'e li'u» .i ie nai pei xamgu fa lo 
nu da'i zo ju'o panra zo .ai

.i ja'o mi stidi lo du'u «lu ju'o nai li'u» sinxa lo du'u to'e birti ja 
na'e birti je nai lo du'u birti lo du'u na co'e .i je «lu ju'o cu'i 
li'u» sinxa .e'u lo du'u no'e birti

lo me do moi no'u
> lo nu birti lo du'u na djuno

zo'u na nitcu tu'a «lu ju'o nai li'u» .i banzu fa lo nu cusku «lu ju'o 
na co'e li'u»

mi'e la selpa'i mu'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.