Re: [bpfk] lo nu la .peg. zei gerna cu basti la .iak. zei gerna

[Ilmen <ilmen.pokebip@gmail.com>]

je'e .i ca ti lo preti poi mu moi zo'u prosa fa «lu
BPFK kajde fi lo du'u ki'u lo se ruble be PEG mu'a na ku ro da poi jbobau jufra gi'e gendra fi lo ca'irselzau zo'u lo tricu cartu be lo stura be da ku ku poi la se favgau cu cupra cu mulno lo ka mapti lo smuni stura pe da
li'u»

.i .i'e pei da'i «lu ki'u lo se ruble be PEG mu'a li'u» se basti «lu ki'u lo jai se ruble be PEG mu'a ku noi lo nu na kakne tu'a la ka zunle krefu cu mupli zo'u li'u»

mi'e la .ilmen. mu'o

ni'o la .guskant. di'e pu ciska

Le mardi 5 avril 2016 16:39:47 UTC, Ilmen a écrit :

doi la .guskant.

mi sanji lo nu lo stura be lo PEG gerna vreji ka'e se xagzengau ja'e lo nu jbize'a lo smuni stura .i ku'i zukmu'i mi lo ka ciska lu ki'u lo ruble be PEG li'o sa'a li'u fa la'e di'e

.i tu'e ti'e si'au PEG se ruble su'o ka'e rinka be lo nu so'o gerna pagbu zo'u na cumki fa lo nu gau mulno lo ka sarxe lo smuni stura da'i

ni'o .e'u pensi lo re stura poi cnita dei

#1:  a [a [a b]]
#2:  [[c d] d] d

lo nu skicu lo pa moi se pi'o PEG zo'u da'i co'e zoi .peg.
    rule_1 <- a rule_1 / b
.peg.

.i si'au lo tadji poi simsa cu da'i curmi tu'a lo re moi .i da'i zoi .peg.
    rule_2 <- rule_2 d / c
.peg.

.i ku'i ba'e ri rinka si'a nai lo nu cimni ke zunle nu refkusi .i mu'a lo tutci cu cusku zoi gy. Left recursion detected for rule "rule_2". .gy

.i mi na djuno lo du'u ta'i ma kau rivbi lo tai zunle nu refkusi .i si'au va'o su'o da ka'e fanta lo nu lo to zei lerfu cu te pandi tai lo mapti be lo smuni stura .i ĭe nai pei

.i cumki fa lo nu su'o da tadji lo nu rivbi lo nabmi kei gi'e ku'i na slabu mi .i .e'o lo djuno cu ctuca

mi'e la .ilmen. mu'o

i je'e la .ilmen .iesai la peg na kakne lo nu skicu la ka zunle krefu no'u la'o zoi left recursion zoi

i ki'u lo nu go'i kei ba lo nu genturfa'i tai lo #1 moi kei lo tricu noi te pruce cu .ei se galfi pu'e la smuni nu zukte no'u la'o zoi semantic actions zoi 

i je'u lo nu go'i cu .ei te kajde lo ba finti be lo genturfa'i

i ku'i lo mumoi be lo preti cu se pagbu no valsi poi ve skicu la ka zunle krefu .a la smuni nu zukte

i lo nu cusku lu lo se ruble be PEG li'u po'o cu na'e banzu gi'e smuvrici iau ja'e lo nu xo'e lo tcidu sei mi mupli cu na'e jimpe lo smuni be fi do 

mi'e la guskant jo'au zantufa

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.