Re: [bpfk] lerfu mumei javni

[mezohe <wow.jvs@gmail.com>]

2015-08-12 06:04 Pierre Abbat:
> ni'o lu ca'e lo zunsna ce'obo lo zunsna .a lo zunsna ce'obo me'o .ybu ce'obo
> lo zunsna cu pagbu loi mu lidne lerfu fi'o kancu co selvi'u me'o .y'y .e me'o
> .ybu li'u lerfu mumei javni .i lu ca'e lo remoi be lo brivla be'o zunsna cu
> pagbu lo zunsna ce'obo lo zunsna .a lo zunsna ce'obo me'o .ybu ce'obo lo
> zunsna li'u remoi zunsna javni .i ma ca javni .i do djica lo nu ma javni

(to mi'e na cmima be lo kamni .i ko jundi ji kau tolju'i toi)

ni'o ra'u mi zmanei lo re moi .i ku'i sei la durka pu mlauca se'u sei 
no'e ku'i vajni lo se skicu be fo lo ka javni pa mei ku ma'i la .camxes. 
cu jai se ca'elgau na gi'e jai jalge lo drata javni pe lo vlaturge'a

ni'o zu'u nai si'au lo javni ja jvagunma poi pagbu la .camxes. cu frica 
ri'oi sampu ke javni re moi fi pa da noi srana lo ziljmina rafsi gi'e 
poi'i mi jinvi lo du'u ke'a zo'u na sarxe lo drata pagbu be lo gerna .i 
sa'e so'a [1] me la .camxes. me'u poi ca se pilno cu gentufa lo simsa be 
zoi fa. baba'ybla .fa. ne tai lo pa brivla .i ri'a bo la brivla rafsi ku 
noi javni cu nibli se ju se kairpau lo ka se pagbu za'u slaka (to poi na 
zunsnaslaka toi)

ni'o ke'u pe'i ri'oi javni na sarxe lo drata gi'e se basti .ei .i ki'u 
bo si'au ri jai ro pa mei lo rinka be lo nu da valsi gi'e na se javni 
su'o lo re sampu .i ku'i ca preti fa lo se du'u ma kau ba'e ja'a sarxe 
.i mi pu stidi su'o mansa be mi do'e la'o fa.
https://groups.google.com/d/msg/bpfk-list/Y3mAaVtMMiA/aYc7q1nYX1kJ
.fa. i snada fa lo cipra be lo se .irci korpora bei lo ka ro valsi poi 
pu'i se cusku do'e ce'u gi'e ca gendra cu va'o nalsti lo ka gendra

ni'o lo mi se stidi zo'u mu'a zo lacpu'ybroda .e zo caudri'ybroda na 
co'u gendra .i ti'e su'o jbopre cu da'i se melbi lo nu ja'a co'u gendra 
.i ma ma jinvi

[1] [2]
ni'o sa'e tu'e <
 - lo me la .camgusmis. moi zo'u na gentufa
      .i ri'a bo ra'u na gentufa lo valsi poi va'o ke'a lo ziljmina
      rafsi cu lidne lo pa rafsi poi ge pavyslaka gi porfa'o ke'a
 - .i la .camxes. xi jysy. zo'u  gentufa
 - .i la .camxes. piton. zo'u    gentufa
 - .i la .ilmentufa zo'u         gentufa
 - .i la zantufa zo'u            gentufa (to ji'a la maltufa toi)
 - .i la .altatufa zo'u          gentufa
 - .i la spagetufa zo'u          na gentufa (to mi pu ja'e stika toi)
> tu'u

[2]
ni'o ta'o .ei finti su'o tadji be lo ka jmina lo fanmo tilselsku se pi'o 
lo je'a jbobau ku po'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.