Re: kau

["Adam Raizen" <araizen@newmail.net>]

la xorxes cusku di'e

> i la'e lu ko'a ckaji le ka ce'u broda li'u se smuni
> le du'u ko'a broda

i pe'i so'iroi cusku le se du'u ko'a ckaji le ka ce'u broda kei kei 
va'o le nu na skudji le se du'u ko'a broda i mu'a cusku zo cmakai 
peseba'i zo cmana mu'i le nu cusku zoizoi mountainous zoi i pe'i 
srana loi lojbo gunma i xu ro pagbu be le cmana cu cmana i xu le me 
le cmana mei cu cmana i si'a lai bitlz cu prenu gi'i prekai i va'o le 
nu na go'i kei mi na birti le du'u le nu pilno zo ckaji cu xamgu 
danfu le nabmi i pe'iru'e zo ckini mu'a cu matmau

mu'o mi'e adam