ckaji

["Jorge Llambias" <jjllambias@hotmail.com>]

la adam di'e cusku

> i pe'i so'iroi cusku le se du'u ko'a ckaji le ka ce'u broda kei kei
> va'o le nu na skudji le se du'u ko'a broda

i pe'i da poi na broda na ckaji le ka broda i ku'i mi djuno
le du'u su'o jbopre to mu'a la maikl toi ta'e pilno zo ckaji
ta'i le do ve skicu

> i mu'a cusku zo cmakai
> peseba'i zo cmana mu'i le nu cusku zoizoi mountainous zoi

i va'o le nu lujvo cu frica i cumki fa le nu la'e zo ma'arkai
to ta'o zo cma rafsi zo cmalu toi se smuni le du'u ckaji be
so'i da pe lo'e cmana i ku'i ro ckaji be le ka ce'u cmana cu
ei cmana i zo ma'anra'a ka'e mapti zoizoi mountainous zoi
i zo ma'acfu go'i

> i pe'i
> srana loi lojbo gunma i xu ro pagbu be le cmana cu cmana

i li'a na go'i i lo rokci poi pagbu le cmana na cmana

> i xu le me le cmana mei cu cmana

i naku ro me lo cmana mei cu cmana i mu'a la andes cu cmana linsi
gi'enai cmana

> i si'a lai bitlz cu prenu gi'i prekai

i pe'i gi'o i la bitlz cu prenu girzu i ku'i su'o girzu ca'a prenu
ca'i su'o flalu i lo kagni cu flalu prenu i mi na djuno le du'u
xukau la bitlz cu flalu prenu

> i va'o le
> nu na go'i kei mi na birti le du'u le nu pilno zo ckaji cu xamgu
> danfu le nabmi i pe'iru'e zo ckini mu'a cu matmau

i ie ji'a zo srana e zo ricfu e zo simsa e zo simlu e lo drata
cu matmau

co'o mi'e xorxes


_________________________________________________________________________
Get Your Private, Free E-mail from MSN Hotmail at http://www.hotmail.com.