[lojban-beginners] la'o { adposition } jo'u { case marker }

[tijlan <jbotijlan@gmail.com>]

ju'o su'o jbobau cfacilre cu cinmo lo ka nandu fa lo nu drani morji
pilno tu'a lo sumsu'a ( gy. place structure .gy ) .i mu'a fliba morji
lo du'u lo mu moi pe { klama } cu du ma kau .i zu'u lo jbobau cu friti
lo xamgu .i fau ku ka'e pilno { sepi'o } lo nu cusku tu'a lo mu moi pe
{ klama } .i mu'a

 klama sepi'o lo karce = klama fu lo karce

.i ji'a

 klama ve'a lo dargu = klama fo lo dargu
 klama ra'i lo zdani = klama fi lo zdani
 klama fa'a lo zarci = klama fe lo zarci

.i panra lo ingli valsi po'u { by } fa'u { via } fa'u { from } fa'u {
to } .i seki'ubo pe'i ka'e ctuca lo cfacilre lo du'u seva'u panra so'o
na'e jbobau sumtcita ( gy. adposition, preposition, postposition .gy )
fa so'o jbobau sumtcita .i .ia la'e di'u ka'e mukti lo nu lo cfacilre
cu jbobau cusku fi'o na mulno se djuno tu'a lo sumsu'a

.i ku'i milxe raktu fa lo nu cusku tu'a lo selgaugenkle ( gy.
accusative case .gy ) .i mu'a lo me lo esperanto me'u moi no'u { raton
} pe va'o { raton kaptis kato } .i ra ka'e se sinxa ma seba'i { fe lo
ratcu ... } .e { lo ratcu se ... } .i mi te sidbo { segau tu'a lo
ratcu cu kavbu gau lo mlatu } .ije ku'i na'e se mansa

mu'o mi'e tijlan