Robin initiated the translation of this by putting it on the twiki
and doing the first sentences; so I went ahead and did the rest:
the first few sentences are only slightly changed from his version.
I expect some of this may be a little rough, as I just finished and
only did a brief amount of proof-reading.
The new lujvo which were made are listed at the top: these are
fair game for commenting on (i.e. if you think there's a better way
to make lujvo for it, please say so), but I'm mainly interested in
comments on the translation. The original english is available on
the normal lojban wiki where I made a page for this stuff:
http://nuzban.wiw.org/wiki/index.php?tu%27a%20le%20cukta
-----------------------------------------------------------------------------
new lujvo:
tsapensi: tsali + pensi:
x1 meditates (thinks hard; possibly with psuedo-religious
motivation) on subject concept x2
kordru: korbi + drudi:
x1:k1 is overhanging portion of roof x2:d1=k2, which is a
roof of x3:d2
zdaga'u: zdani + galtu:
x1:g1 is an attic of house x2:z1, which is inhabited by x3:z2
claga'udi'u: clani galtu dinju:
x1 is a tower for pupose x2
-----------------------------------------------------------------------------
tu'a le cukta
ni'o lei se morji be mi cu kalsa mutce .i .u'e mutce co senpi le
du'u mi ka'e sanji le jai ca nu lei se morji be mi cu cfari .iki'ubo
zu'u so'iroiku mi cinmo lifri le nu terpa ledu'u lo ba'e traji barda
nanca bo temci cu tcena purci le cabna .iku'i zu'unai so'iroiku mi
cinmo ganse leka le cabna mokca cu nenri lo stodi ke mucti cimni
.iji'a mi na sanji ledu'u ta'i makau mi benji dei .i va'o leza'i
mi djuno ledu'u mi ja'a bacru keikei mi milxe pensi ledu'u da poi
cizra je tu'ocu'o bo vlipa nu tsapensi ku'o se nitcu fi loi nu benji
le dei selsku le zvati poi mi djica tu'a ke'a .i le sevzi po'e mi
cu cfipu to'e klina .i mi simlu leka renvi lo se vlipa .i cumki fa
leza'i cfarygau fa lo curve cizra purbanro pe ra'i le rirci se lifri
po'e mi
ni'o le dei se lifri cu li'a se krasi tu'a le cukta .i mi morsi
lenu mi zatfa'i ri kei pe ne'i le milxe gusni se diklo pe vi le
xekri je ctile rirxe noi loi jaurbumru cu na'o jibni .i le se diklo
cu mutce tolni'o .ije le galtu be fi lo'e drudi be'o kajna poi vasru
le so'a fusra tercku cu tcena pa'o le kumfa noi canko claxu .i le
za'u barda ke cukta kasystu cu vreta le loldi gi'e se vasru le rufsu
lanka .i vi pa le go'i mi zatfa'i zo'e .i mi na cilre ledu'u makau
cmene le cukta kei ri'a leza'i le so'umoi papri cu se claxu .iku'i
cy. kalri gi'e curmi lenu mi viska le cizrytce
ni'o mi zgana le porsi no'u le liste be le'i se gasnu kujo'u le'i
se casnu ku noi mi jijnu ledu'u ke'a to'e jai se curmi gi'e palci
.i mi pu tcidu fi'o te cilre ti seci'o leka rigni joi tceci'i ce'u
kei fi lei mipri ju'agri pe fi'e le cizra je tcetolni'o tadni be
le mipryrai pe le munje kuku poi loi cukta be fi ke'a cu se prami
mi .i le cutka cu ckiku .i ri gidva fi lei pagre .e lei pu'u binxo
kei vu'o poi loi se lidjrmistiki cu pacna tu'a ke'a co'a le jai
cfari pe fai tu'a loi remna zi'e noi curmi so'o se zifre .e so'o
nu facki kei vu'o poi bancu le te cimde .e le lifri .e le marji
vu'o poi slabu ma'a .i ti no'u le cukta cu te djuno fi no remna
ze'a za'u na'acto gi'e ja'a mutce tolni'o .i le go'i cu ciska fu
na'e bo lo minji .i la'a lo milxe fenki jdapre cu zbasu le lerfu
ne tai la .unsyl.
ni'o mi morji le tai nu le tolni'o nanmu pu malzga gi'e cmami'a
gi'e kucli sniti'i sepi'o le xance vau ca lenu mi lebna le cukta
.i ny. na djica tu'a lo ve vecnu .ije bazuku po'o mi smadi ledu'u
makau mukti .i ca'o lenu mi zdani klama fo le jarki je kalsa je
jaurbumru dargu kei te simlu leka smaji jersi ce'u kei mi .i le
ru'u mutce tolni'o je ralci dinju cu simlu le vifne ka palci kei
taida'i lenu lo na'e pu krasi be loi palci cu suska ke kalri binxo
.i simlu leza'i lei bitmu .e lei kordru ne loi mledi bliku kujoi
loi mledi mudri zi'ene le kanlysimsa je sa'orkurfa canko noi malzga
ge'u ca'a gunta gi'e zalvi mi .iku'i mi pu tcidu le cmalu pagbu be
lei pacli sinxa pu'o lenu ganlygau le cukta gi'e cliva
ni'o mi morji ledu'u va'o makau mi tcidu le cukta .i blabi flira
gi'e nenri le zdaga'u kumfa noi mi pilno fi le cizra nu facki kei
po'o .i le barda zdani pu mutce smaji .iri'abo mi jai cfari ba'o
le mijycte .i mi ju'oru'e jinvi ledu'u mi pu cmima lo lanzu toku'i
lei steci cu jai se zunti toi kei gi'e ju'o jinvi tu'a le so'o selfu
.i mi na djuno ledu'u xokau moi nanca kei ri'a leza'i ba'oku mi
djuno tu'a so'o temci .e so'o cimde gi'e jai se daspo je se galfi
fai ro le se jinvi be mi kupe le si'o temci .i sepi'o le gusni be
fi lei laktergu'i mi pu tcidu to mi morji le ru'i pu'u dirgo be lei
lakse toi .ije se janbe ra'i lei darno janbe claga'udi'u .i mi pu
jundi lei sance taida'i lenu mi terpa lonu mi tirna lo dicra tonga
ra
ni'o caku lenu sraku gi'e savru vi le cankrdormere noi le galtu be
fi le drata drudi pe vi le tcadu cu jvinu fi ke'a .i cfari ca lenu
mi bacru le somoi pagbu be le tolni'o prosa .ije mi pu djuno fau
lenu mi desku kei ledu'u makau smuni .i roda zo'u ganai da pagre
lei pluta gi da jerna lo ctino gi'e ba na ka'e to'e kansa .i mi
puba'o krixa .ije le cukta cu ca'a me ro le nalspaji be mi .i ca
le nicte mi pagre lei pluta le cizra terkruca be loi temci bei loi
jvinu .ije ca le cermurse mi zgana lei bitmu .e lei kajna va'o leka
tcila kei poi mi na pu kakne
ni'o ji'a mi na ba'o ka'e zgana tai le purci .i le cabna cu se mixre
co binxo loi purci kujoi loi balvi .ije ro slabu cu cizra co binxo
va'o le cnino te jvinu .i mi senva cadzu va'o lei to'e slabu tarmi
.i ro pluta poi mi pagre ke'a cu jai rinka lenu leni slabu to va'o
le jarki munje poi mi pu bancu ke'a toi cu se jdika .i le se jimpe
be mi cu se jimpe no na'ebo mi .ije mi smaji binxo mu'i lenu rivbi
loinu jinvi ledu'u mi menlybilma .i lo'e gerku cu terpa mi ri'a
leza'i ri ka'e ganse le ctino poi na ru'a zvati mi .iku'i mi tcidu
ji'a .i le mipri tolmorji cutka .e le salrypapri cu jai te junri'a
le cnino vlipa mi .i mi pagre lei vifne pluta le midju be le to'e
se djuno munje
ni'o mi morji fi le nicte poi ca ke'a mi ciska le mu midjydunli
cuktai le loldi loi fagri gi'e sanli le midju gi'e bacru le bardytce
se cusku poi ke'a klama be fi la tartaris. co se bevri .i lei bitmu
cu runme .ije mi bai le palci brife cu klama fo le ma'arfe'a poi
curve leka grusi kei va'o le pe tai lo'e jesni ku to'e djuno galma'a
poi cnita mi do'e za'u minli .ibazaku mulno maknu .ije baziku le
gusni be fi lei tarci noi ke'a te zbasu le cizra je na'e terdi
tartai cu co'e .i mo'ubo mi viska le crino foldi poi cnita mi .ije
zgana le claga'udi'u pe le tcadu noi zbasu ke'a ta'i no se djuno
ja se tcidu ja se senva vu'o pe mi .i ca'o lezu'o mi fulta klama
le tcadu kei mi viska le barda je kurfa je rocki dinju pe vi le
klina gi'e ganse lenu le palci ka terpa kei cu se cinmo mi .i mi
cairki'a gi'e damba .ije ba'o lenu manku kei mi tu'ore'u zvati le
zdaga'u kumfa gi'e kalsa capna le mu fagri cuktai poi capna le loldi
.i le nicte cu na zmadu so'o le pu nicte leka cizra .iku'i go'i fi
leka terpa kei mu'i leza'i mi djuno ledu'u mi ca jibni le bartu
munje .iba'obo kajde mi lezu'o bacru .imu'ibo mi na djica lonu mi
cu to'e jorne binxo le xadni be mi ku .e le terdi va'o loi to'e
djuno zvati poi mi noroi ka'e cliva ke'a
--
Jordan DeLong - fracture@allusion.net
lu zo'o loi censa bakni cu terzba le zaltapla poi xagrai li'u
sei la mark. tuen. cusku
Attachment:
pgp00230.pgp
Description: PGP signature