za'ure'u toldicra lenu pinka
On Sat, Sep 21, 2002 at 03:10:41AM +0000, Jorge Llambias wrote:
> ni'o pe'i ny se prali le nu cliva kei lo nu loi cilce cipni cu
> zdacne i ca le nuncliva cerni ny gasnu le nu le ny terdi cu mulno
> cnici i ny kurji derlumci lei cikna je'erma'a i ny ponse re
> je'erma'a noi cikna zi'e noi xamgu se pilno fi le nu glagau le
> cerni sanmi i ny ponse lo cando je'erma'a ku ji'a i ku'i cu'u ny
> zu'i noroi djuno iseki'ubo ny derlumci le cando je'erma'a ku ji'a
> i va'o le nu drani derlumci kei lo'e je'erma'a cu di'i tolvlile
> jelca secau le nu jetce i lo'e je'erma'a nu jetce cu simsa lo'e
> damtubnu fagri i li'a bu'u le mi'o terdi mi'o dukse le ka cmalu
> kei le nu ka'e terlumci lei je'erma'a iseki'ubo jy mutce le ka
> jai raktu mi'o
tosa'a
pamai xu le sumti porsi pe le pamoi jufra cu jai se srera .i mi
na djuno ki'u leza'i mi na mulno jimpe ledu'u makau cipni .e
ledu'u ki'u makau vajni lenu le noltrube'a cu jinsygau le terdi
po ri .i .e'o ko ciksi fi mi
.i remai mi pensi ledu'u makau satci smuni zo je'erma'a .i xu
satci fi leka ce'u cmana .i morji ledu'u le noltrube'a cu barda
bu'u le ri terdi gi'e cmalu vi .ibo ru'a nitcu lo toknu minji noi
barda tai le'e cmana pe la terd. .i xu le'e cmana pe le terdi be
le cmalu noltrube'a cu simsa ra leka barda .i pe'ipei lo tanru
zo je'erma'a zmadu
toi
> ni'o ji'a ny vimcu fau le nu milxe badri kei lei romoi be lei
> tricrbaobabu co'arbanro i ny krici le du'u ny ba noroi xruti i
> ku'i ro le slabu se gunka cu simlu ca le zi cerni le ka mutce le
> ka titla i ca le nu ny le xrula rore'u jaursabji gi'e pu'o setca
> le blacygai kei ny sanji le nu djica le nu klaku
tosa'a
.i xu zo le'i zo lei basti vi zo moi
.i .e'u lo simsa be lu ze'eba naku li'u cu zmadu lu ba noroi li'u
.i pe'ipei go'i
.i lu le zi cerni li'u cinri .i nelci
toi
> -- i co'o --sei ny fi le xrula cusku
tosa'a
.i .e'u zo cu se nitcu
toi
> ni'o ku'i xy na spusku
>
> -- i co'o --sei ny krefu cusku
>
> ni'o le xrula cu kafke i ku'i na se rinka le nu xy bilma
>
> -- i mi pu bebna --sei xy za cusku-- i ko mi fraxu i ko troci
> le nu do gleki
tosa'a
.i si'a mi nelci lu za cusku li'u nesecau lo cmavo be la'e zo
pu .i cinri tai selsku
toi
> ni'o ny se spaji le nu claxu lo'e nu vlasfa i ny stali fau le
> nu mulno se cfipu gi'e jgari le blacygai i ny na jimpe fi le
> vi tolvlile cando
tosa'a
.i na jimpe le pamoi be le'i jufra .i zo vlasfa jai cfipu
toi
> -- i je'u mi do prami --sei le xrula fi ny cusku-- i do pu djuno
> noda fi'o fuzme mi i nasai vajni i ku'i do mi dunli le ka bebna
> i ko troci le nu do gleki i ko toljgari le blacygai i mi na za'o
> djica tu'a by
>
> -- i ku'i lo'e brife y
>
> -- i mi na tai bilma i le nicte ke vifne vacri ba xamgu mi i mi
> xrula
>
> -- i ku'i lo'e danlu y
>
> -- i ei mi sarji reji'ici ciftoldi va'o le nu mi djica le nu se
> slabu lo'e toldi i ti'e tai melbi i va'onaiku ma mi ba vitke i
> do ba darno i lo'e barda danlu zo'u mi na terpa i mi se jgalu
tosa'a
.i .u'i mi bilga co fanza le tai selsku pe zo ji'i
.i pe'i zo va'o milxe na'e drani do'e le selsku .i xu do rivbi
zo mu'ei vi ti .iku'i ru'a lu romu'einaiku li'u na smuni simsa
lu va'onaiku li'u .i mi na djuno
toi
> ni'o xy sapru'i jarco lei vo kinli ibabo xy jmina cusku di'e
>
> -- i oi ko na tai stali i do ba'o jdice le du'u do cliva i ko
> klama
>
> ni'o ki'ubo xy na djica le nu ny viska le nu xy klaku i xy tai
> jgira xrula
tosa'a
.u'e le xrula cu binxo be zi'o mutce
toi
mu'o
--
Jordan DeLong - fracture@allusion.net
lu zo'o loi censa bakni cu terzba le zaltapla poi xagrai li'u
sei la mark. tuen. cusku
Attachment:
pgp00268.pgp
Description: PGP signature