tertoi lo selsa'a bu'u le malsi

[Jorge "Llambías" <jjllambias2000@yahoo.com.ar>]

tertoi lo selsa'a bu'u le malsi

oi mi tai tatpi le mi
tolvri je tolci'o je tcecilce gugde
i ausai mi darno klama 
le berti 
noi ti'e bu'u ke'a lo prenu cu jinsa
je vrude je djuno je ricfu je zifre
je cikna je gleki
i da'i ca bo fi lo jmaji fa lo bruna cu tolzau 
cusku lu <<mintu lo cipni poi cliva lo cpizda ku'o 
fa lo remna poi cliva lo ry stuzi>> li'u
i da'i ca bo mi vu mi'afra 
lo flalu e lo tolci'o nunprije
vu'o pe le mi tolfre tcadu
i ku'i mi noroi ba faurgau le mi selsne 
i mi ti stali co'u lo nu morsi
i ki'u bo mi ji'a mutce ke tolvri je cilce
gi'e ji'a prami 
pa'a lo nu tolpa'a cortu kei
le mi vi pindi 
je toljinsa je badri je malfu'a gugde

--------
finti fa la'o zoi Salvador Espriu soi bau le katlana

mu'o mi'e xorxes



		
_______________________________
Do you Yahoo!?
Win 1 of 4,000 free domain names from Yahoo! Enter now.
http://promotions.yahoo.com/goldrush