lo nuzba zo'u la'a la kopernik se facki

[Adam COOPER <adamgarrigus@gmail.com>]

coi ro do
Below is a news article I translated. Enjoy/correct!
mu'o mi'e komfoamonan

***
lo nuzba zo'u lo du'u lo renvi co xadni be la kopernik cu ba'o se facki cu se gubjungau

ni'o lo gugrpolski je tolci'oskepre cu cusku lo se du'u birti lo si'o
ba'o facki loi bongu be fi la kopernik i ri kesyskepre je jdaca'i de'i
lo 16 moi na'acto i ky pu stidi lo si'o lei plini cu co'e lo solri e
nai lo terdi i ja'e bo ky mutce stika lo kesyske

ni'o la ierjis gasofskis poi balcu'e ctuca cu cusku lo balcu'e nunpenmi
lo se du'u krici lo si'o lo xadni renvi poi pu se facki ni'a lo
selfityjbu be ne'i la frombork poi balmalsi vi lo xaskoi be la balt bei
la polsk cu renvi co xadni la kopernik

ni'o lo nilci'o be loi bongu be'o ku e su'o re loi flira selkai cu
mukti lo nu la gasofskis cu cusku lu ia cai mi birti lo si'o le xadni
renvi bi'u nai cu renvi co xadni la kopernik kei la'u li 97 ce'i i je
ku'i lo jgina cipra po'o ba kakne lo nu mulno birtygau fi lo se krici
li'u

ni'o lo skami cu xanri zbasu lo pixra be le stedu ji'u lo stedu bongu i
lo nu go'i cu jarco lo stedu be le nanmu poi grusi se kerfa zi'e poi pu
ba'o jmive ze'u lo nanca be li 70 i la kopernik pu ca'o jmive ze'u lo
nanca be li 70 ca lo mu'e vo'a mrobi'o i lo pixra be fo lo skami cu
mapti su'o re lo cabna pixra be ky bei fo lo cinta lo ka ce'u jarco lo
skapi nunxrani barna be ga'u lo zunle kanla be'o ku e lo ba'o porpi
nazbi 

ni'o la kopernik cu rirni no da poi te djuno i je ku'i lo nu loi xadni
be loi morsi lazmi'u be ra ba sabji lo jgina mupli cu cumki

ni'o la kopernik pu birti cusku lo se du'u le ro plini cu co'e lo solri
kei e lo se du'u lo terdi cu na midju lo munje kei fi'o prosa se cukta
lu srana lo nu lo kensa dacti cu mo'i ru'u muvdu li'u