Re: pamoi notci

["Jorge J. Llambías" <jorge@xxxxxxxxxx.xxx.xxx]

>coi mi'e tsali

coi tsali

>.i mi bangrnorge se cmene zoi ny Arnt Richard Johansen ny .i je zoi ny
>Richard ny krasi se smuni zo tsali .i la'e di'u mukti le nu mi lojbo
>te cmene mi zo tsali

i ui ue lo rusko e lo norgo cu benji le ri pamoi selmri le liste
ca le mintu detri ba'e bau le lojbo i xautce

>to zoi ny Arnt ny krasi se smuni zo cpirAKuila .i pe'i le se go'i cu
>barda dukse toi

i ki'anai i e'u zo katcpibra ka'e lujvo zo cpirAkuila

>ni'o mi xabju le gugdrnorge noi nenri le ropnytu'a co berti traji .i mi
>nanca li 17 .i je le nu mi lojbo .e le nu mi tcidu le mriste cu nanca li 2
>
>ni'o na kakne le nu mriste pilno lo samymri zei sabji drata be la glare
>selmrilu .i la glare mrilu zo'u ro le se samymri cu fanmu se pegbu lo
>venynoi .i je pu ki ku mi mi toldjica le za'i venynoi je mrilu
>malselmixra

i oi pe'i lei venynoi na fanza mutce i mi zmanei le nu cpacu loi lojbo
selmri noi se pagbu lo venynoi kei le nu cpacu no lojbo selmri i ju'o

>ni'o nau ki ku za'a lo lojbo cu mriste pilno la glare selmrilu .i pe'i
>.e'a cu'i mi go'i

i e'e go'i i ku'i ta'o u'i le do selmri na se jorne lo venynoi pe la
xotmeil

co'o mi'e xorxes