Re: le za'i nandu .e le za'i frili

["Jorge J. Llambías" <jorge@xxxxxxxxxx.xxx.xxx]

la tsali cu cusku di'e

>pe'i go'i .i dotybau zo'u mu'a da stura poi simsa le cmavo be zo fa

to re gerna pinka zo'u pamai lo sumti enai lo brivla ka'e se pilno
le nu tisna lo me zo zo'u jufypau ije remai lo sumti enai lo brivla
ka'e se jadni lo me zo poi jufypau toi

i le glibau zo'u lo stura cu simsa lei cmavo be zo bai ije lo stura
cu simsa lei cmavo be zo le ije lo stura cu simsa lei cmavo
be zo pa ije lo stura cu simsa lei cmavo be zo poi ije li'o li'o

>.i
>so'o le dotco ke gasnu valsi cu ckaji le ka pe'a tergismu

i xu simsa lo glibau jufra no'umu'a zoi gy John gives Mary
flowers gy a zoi gy Mary shows her friends her new car gy

> .i .u'i le dotco
>valsi na simsa le lojbo valsi le ka gerna cinse

i ckire le cevni uizo'o

>>i pe'i le nu bacru bau la lojban cu filgau tu'a le glico i iepei
>
>mi na djuno .i le nu mi co'a vlipa le glibau cu purci le nu mi co'a vlipa
>la lojban.

i mi go'i i ia ro ca jbopre go'i i ku'i mi zo'u filgau fa le nu co'e
bau la lojban

co'o mi'e xorxes