le danre mapti

[Spigot <spigot@xxxxxx.xxxx]

lemi pendo befa la taras. puki vitke mi .i mi'a klama lo cizra tafzai
.i mi te vecnu le danre mapti ku pe'anai .i .u'i le danre mapti mo
.i mi terski le danre mapti lemi pendo befa la stus. di'e .i lei bilni
vinji sazri ka'e co'u cikna ca lenu tcesutra muvcne .isemu'ibo lei sazri
cu dasni le taxfu le demgapci danre be le xadni .itezu'ebo le sazri na
co'u cikna ri'a lenu leri ciblu cu stali le stedu .i le tubnu ciste cu
tcila le danre mapti .i birka tubnu .i tuple tubnu .i mlana je trixe
tubnu .iji'a le demgapci danre daski cu nenri le mapti .i ro le tubnu cu
jorne re tubnu moklu .ipe'i ri te jorne le demgapci danre minji .iji'a
so'i clani tagji bo cupra skori cu tcila le mapti .i ra noi simsa le
skori pe la korset. ku'o cpana le birka .e le tuple .e le cutne .e le
trixe .iji'a so'i jinme verla'a cu tcila le mapti .isa'u le mapti cu
cizra cizra taxfu .i mi djica tu'a ra ma .i mi na'e bilni vinji sazri
.iku'i mi ba klama le jelpre .i la'edi'u krinu lenu mi te vecnu le mapti
.i le jelpre mo .i .au mi ba jenai ca ciksi .i la taras. te vecnu
le creka be la flanl. vau .e'ero'e zo'o