Re: coi .i stidi

["Jorge Llambias" <jjllambias@xxxxxxx.xxxx]

>..i coi mi'e mark. .i ju'o do morji le mi cmene to
>sa'e su'o do morji .i ju'o su'o do na go'i toi

coi mark i mi cmima lei morji

>.i mi ca tadni la lojban. .ijesemaubo mi pu tadni ri to .uinai mi na ka'e 
>cusku lo'u mi pujesemauca tadni le'u toi

i ku'i do ka'e cusku lu mi pu esemaubo caku tadni li'u
i na se sarcu le du'u do reroi cusku lu mi tadni li'u

>.i .eiru'e ..ai mi ba skicu mi joi le mi lojbo citri .iku'i .ai mi ciska 
>tavla fi da voi cmavo ti'i mi

i cinri i le bangu cu zmadu ro le drata selcasnu
le ka xokau prenu cu pagbu le nu casnu ce'u i ku'i oi
ta'e bau le glico

>ni'o
>pe'i zasti .ei lo cmavo belo selma'o bezo nai bei bei poi sinxa le ka to'e 
>mela'ezo nai .i xu di'u dukse pluja .i mu'a va'o loinu pilno loi cmavo 
>bezo .ui kei sarcu .ia lenu basna leka ba'e na'e natfe le sampu cinmo .i zo 
>nai .enai loinu zo nai na zvati kei ka'e se basna .i na'e cafne fa tu'a le 
>valsi beti'i mi .iseki'ubo ri ke na'e sarcu ke'e tordu .i .ai mi pilno
>zo ja'ai .e'u .i pe'i le'i lerfu be le valsi cu se pamoi me'o jy. .i pe'i 
>pei .i'e pei

i i'eja'ai i pe'i zo ja'ai cu mapti valsi i zo ja'ai
joi zo ja'a zo nai joi zo na cu mintu le ka ckini simxu

>no'i
>mi krefu tadni .ai la lojban. .i mi pilno loi cmavo bezo .ui to lu loi 
>cmavo belo selma'o bezo .ui li'u cu dukse clani pe'i ge'e pe'i pei toi

i drani i lu zo ui li'u tcaci cmene le selma'o
be zo ui

>.i
>..ia ra ja'a selpli je cinri .i mi punaijecanaijeba djuno fi le ca jbopli 
>liste .i cumki falenu levi xatra na'e mapti .uinai

i ju'o le do xatra cu je'a mapti i ku'i le nu pilno
la lojban cu jdikygau le se klani be lei te spuda

co'o mi'e xorxes