Re: [lojban] srana zo krici jo'u zo sruma

["Jorge Llambias" <jjllambias@hotmail.com>]

la adam cusku di'e

> > i le nu da sruma de cu se zukte da le mu'a nu tadni
> > le du'u de nibli makau
> >
> .ija'ebo ma sumti fi le selni'i

i mi na djuno pu le nu mi sruma de
i mi sruma de ibabo mi facki le du'u de nibli di

> > i le nu da krici de na se jdice da i fasnu
> > i le nu jinvi cu se sarcu lo jicmu i le nu krici
> > na go'i
>
> .i mi nalpro le di'u smuni be zo krici .i ku'i ro selru'a cu selcmu
> noda .i ku'i lo'e selru'a cu ei nibli ja jicmu da gi'onai smidu'e zo krici

i pe'i na go'i i le nu krici na.e le nu sruma cu se jdice
i le nu sruma cu se pilno le mu'a nu saske tadni i le nu krici
na go'i i lo'e se sruma so'iroi te cipra

> .i va'o le nu ei nibli ja jicmu da kei le terbri cu ei vasru le sumti
> be fi le selni'i ja selcmu

i pe'i na sarcu

> .i na cumki fa le nu jinvi jenai sruma ro selju'o .i ei da pamoi le'i
> jicmu gi'e selcmu noda

i drani i ku'i mi pensi iseni'ibo mi zasti
i xu mi sruma le nu mi pensi i xu mi djuno le nu mi pensi

> .i mi na djuno le du'u makau gadri je panra zo jo'u .i pe'i noda
> .i zo jo'u cu cizra valsi

i ie go'i
i va'o le nu zo jo'u cu sinxa lo vajni kei lo panra gadri
cu ei zasti i lo panra gadri na zasti iseki'ubo mi smadi
le du'u zo jo'u na sinxa lo vajni

> > i cizra i ki'u ma da djica le nu skicu lo srana be zo krici po'o
> > fo le ka srana zo krici joi zo sruma i palci
>
> .i mi na djuno le du'u makau krinu .i mi pu jinvi le du'u cumki fa le
> nu jimpe srera kei va'o le nu mi cusku zo joi .i la'a na drani

i je'e

co'o mi'e xorxes


______________________________________________________
Get Your Private, Free Email at http://www.hotmail.com